प्रवाशांसाठी खुशखबर...! हिवाळी विशेष तीन रेल्वे गाड्यांच्या कालावधीत वाढ

या गाड्यांच्या एकूण २५ फेऱ्या वाढविण्यात आल्या आहेत. त्यामुळे प्रवाशांना दिलासा मिळाला आहे.

पुणे : हिवाळी हंगामात प्रवाशांची होणारी गर्दी घेऊन पुणे रेल्वे विभागातून धावणाऱ्या चार रेल्वे गाड्यांच्या कालावधीत वाढ करण्यात आली आहे. या गाड्यांच्या एकूण २५ फेऱ्या वाढविण्यात आल्या आहेत. त्यामुळे प्रवाशांना दिलासा मिळाला आहे.

रेल्वे गाडी क्रमांक ०४७१५ बिकानेर-साईनगर शिर्डी (साप्ताहिक) विशेष गाडी दि. २९ नोव्हेंबरपर्यंत धावणार होती; परंतु या गाडीला प्रवाशांची गर्दी वाढल्याने ही गाडी दि. २७ डिसेंबरपर्यंत धावणार आहे, तर गाडी क्रमांक ०४७१६ साईनगर शिर्डी - बिकानेर विशेष (साप्ताहिक) आता दि. २८ डिसेंबरपर्यंत धावणार आहे.

गाडी क्रमांक ०९६२५ अजमेर-दौंड-अजमेर विशेष गाडी (साप्ताहिक) आता दि. २५ डिसेंबरपर्यंत चार फेऱ्या वाढवण्यात आली आहे, तर गाडी क्रमांक ०९६२६ दौंड - अजमेर विशेष (साप्ताहिक) ही गाडी दि. २६ डिसेंबरपर्यंत धावणार आहे.

गाडी क्रमांक ०९६२७ अजमेर-सोलापूर-अजमेर विशेष साप्ताहिक गाडी दि. ३१ डिसेंबरपर्यंत कालावधी वाढवण्यात आली आहे, तर गाडी क्रमांक ०९६२८ सोलापूर - अजमेर स्पेशल (साप्ताहिक) दि. ४ ऐवजी दि. १ जानेवारी २०२५ धावणार आहे.