व्यंकोजी खोपडे यांचे नगरसेवक पद रद्द करावे; वसंत मोरे यांची न्यायालयात याचिका

भाजपचे नगरसेवक व्यंकोजी खोपडे यांचे अनधिकृत बांधकाम आहे. त्यामुळे त्यांचे नगरसेवकपद रद्द करावे.

पुणे : पुणे महापालिकेच्या प्रभाग क्रमांक ३८ मधील ई मधून निवडून आलेले भाजपचे नगरसेवक व्यंकोजी खोपडे यांचे अनधिकृत बांधकाम आहे. त्यामुळे खोपडे यांचे नगरसेवकपद रद्द करावे अशी मागणी करणारी याचिका उद्धवसेनेचे माजी नगरसेवक वसंत मोरे यांनी न्यायालयात दाखल केली आहे.

पुणे महापालिकेच्या निवडणुकीत प्रभाग क्रमांक ३८ मधील ई मधून भाजपचे नगरसेवक व्यंकोजी खोपडे हे उद्धवसेनेचे वसंत मोरे यांच्या विरोधात निवडून आले आहेत. पण नगरसेवकाने अनधिकृत बांधकाम केले असेल, तर त्यांचे नगरसेवकपद रद्द होते.

भाजपचे नगरसेवक व्यंकोजी खोपडे यांचे अनधिकृत बांधकाम आहे. त्यामुळे त्यांचे नगरसेवकपद रद्द करावे. तसेच पालिकेत समाविष्ट गावामधील नोकर भरतीत ते विभागीय आयुक्तांपुढील चौकशीत दोषी ठरले असल्याचा दावा वसंत मोरे यांनी पत्रकार परिषदेत केला.