Video :पुण्यात पोलिसांकडूनच नियमांची पायमल्ली; कारवाई होणार का? ट्रिपल सीट फिरतानाचा व्हिडिओ व्हायरल

व्हिडिओ व्हायरल झाल्यानंतर पुणे पोलिसांवर कारवाई होणार का ?  असा प्रश्न पुणेकरांकडून उपस्थित केला जात आहे.

पुणे -  सोशल मीडियावर सध्या एक व्हिडिओ चर्चेत आला आहे. हा व्हिडिओ पुण्यातील असून या व्हिडिओत महिला पोलीस कर्मचारी ट्रिपल सीट प्रवास करत आहे. व्हिडिओ व्हायरल झाल्यानंतर पुणे पोलिसांवर कारवाई होणार का ? असा प्रश्न पुणेकरांकडून उपस्थित केला जात आहे. अद्याप अधिकृत निवेदन आलेले नसले तरी अंतर्गत चौकशी होण्याची शक्यता व्यक्त केली जात आहे.
 
दरम्यान, वाहतूक नियमांनुसार दुचाकीवर दोनपेक्षा जास्त व्यक्तींना प्रवास करण्यास मनाई आहे. सामान्य नागरिकांवर दंड आकारला जातो, त्यामुळे पोलिस कर्मचारीही दोषी आढळल्यास त्यांच्यावर कारवाई होणे अपेक्षित असल्याचे नागरिकांचे मत आहे.  

 
या व्हिडिओवर नागरिकांकडून पारदर्शक चौकशीची मागणी होत आहे. सोशल मीडियावर अनेकांनी नियम सर्वांसाठी समान असले पाहिजेत अशी प्रतिक्रिया दिली आहे. पुणे पोलिसांकडून या प्रकरणावर अधिकृत प्रतिक्रिया आल्यानंतरच नेमकी कारवाई स्पष्ट होईल. मात्र, चौकशी सुरू झाल्यास पुढील काही दिवसांत निर्णय होण्याची शक्यता आहे. सध्या हा व्हिडिओ सोशल मीडियावर चर्चेत आला यावर असून  संमिश्र प्रतिक्रिया येत आहे.