भारतीय सैन्याच्या नव्या पर्वाचा प्रारंभ;‘एनडीए’तून महिला कॅडेट्सची दुसरी तुकडी बाहेर

By ऑनलाइन लोकमत | Updated: November 30, 2025 12:59 IST2025-11-30T12:58:04+5:302025-11-30T12:59:35+5:30

त्या ऐतिहासिक क्षणानंतर आता १५ महिला कॅडेट्सची दुसरी बॅच अभिमानाने उत्तीर्ण होत आहे. मुलींची वाटचाल दृढ आणि प्रभावी बनत असल्याचे भावपूर्ण चित्र यंदाच्या दीक्षांत सोहळ्यात पाहायला मिळाले.

pune news second batch of women cadets discharged from NDA | भारतीय सैन्याच्या नव्या पर्वाचा प्रारंभ;‘एनडीए’तून महिला कॅडेट्सची दुसरी तुकडी बाहेर

भारतीय सैन्याच्या नव्या पर्वाचा प्रारंभ;‘एनडीए’तून महिला कॅडेट्सची दुसरी तुकडी बाहेर

पुणे : राष्ट्रीय संरक्षण अकादमीच्या इतिहासात महिला कॅडेट्सची पहिली तुकडी उत्तीर्ण होणे, हा भारतीय सैन्याच्या नव्या पर्वाचा प्रारंभ मानला गेला. त्या ऐतिहासिक क्षणानंतर आता १५ महिला कॅडेट्सची दुसरी बॅच अभिमानाने उत्तीर्ण होत आहे. मुलींची वाटचाल दृढ आणि प्रभावी बनत असल्याचे भावपूर्ण चित्र यंदाच्या दीक्षांत सोहळ्यात पाहायला मिळाले.

पहिल्या बॅचने एनडीए उत्तीर्ण होताना सैन्यदलात नवे पर्व लिहिल्याचा अभिमान देशाने साजरा केला होता. त्याच परंपरेला पुढे नेत, १४९व्या दीक्षांत समारंभात दुसऱ्या बॅचनेही प्रशिक्षित ‘विद्वान योद्धे’ म्हणून आपली तयारी सिद्ध केली. प्रशिक्षणातील कठोर शिस्त, मैदानी आव्हानांची ओळख, स्क्वॉड्रनमधील परस्पर सहकार्य आणि एकात्मता या सर्व घटकांनी या कॅडेट्सना मानसिक आणि शारीरिक दोन्ही पातळ्यांवर अधिक सक्षम केले. त्यामुळे त्यांच्या चेहऱ्यावर यश, आत्मविश्वास आणि अभिमानाची चमक स्पष्ट जाणवत होती.

महिलांची ही दुसरी बॅच उत्तीर्ण होणे म्हणजे, भारतातील सैन्यसेवा अधिक समावेशक आणि व्यापक होत असल्याचा ठोस पुरावा आहे. स्वदेशी क्षमतांवर आधारित आधुनिक संरक्षण तंत्रज्ञानाच्या काळात, या युवा कॅडेट्सची उपस्थिती भारतीय सशस्त्र दलांच्या भविष्यातील ताकदीची ओळख करून देणारी आहे. महिला कॅडेट्सच्या या सातत्यपूर्ण प्रगतीमुळे, देशासाठी सेवा देण्याचे स्वप्न पाहणाऱ्या हजारो तरुणींना प्रेरणा मिळत असून, सैन्यातील महिला सहभागाची नवी दारं अधिक प्रभावीपणे उघडली जात आहेत.

मूळची मी उत्तराखंड येथील आहे, तसेच कोणतेही संरक्षण पार्श्वभूमी नाही. एनडीएमध्ये मुलं किंवा मुली यांच्यासाठी प्रशिक्षण सारखं आणि कठीण असत. तीन वर्षांत शिस्त, साहस आणि सत्यनिष्ठेचे खरे मोल शिकवले. कठोर प्रशिक्षण, स्क्वॉड्रनमधील परस्परांवरील अढळ विश्वास आणि इन्स्ट्रक्टरची साथ यामुळे यश प्राप्त झाले.  - अनया बलुनी

Web Title : एनडीए से महिला कैडेट्स का दूसरा बैच पास आउट।

Web Summary : एनडीए का दूसरा महिला बैच सफलतापूर्वक पास हुआ, जो भारतीय सेना में महिलाओं के लिए एक नए युग का प्रतीक है। उनका कठोर प्रशिक्षण सेना की बढ़ती समावेशिता को रेखांकित करता है और भविष्य के लिए सशस्त्र बलों को मजबूत करता है। उनकी उपलब्धि देश भर में अनगिनत युवतियों को प्रेरित करती है।

Web Title : Second batch of women cadets passes out from NDA.

Web Summary : NDA's second women's batch successfully graduates, marking a new era for women in the Indian military. Their rigorous training underscores the military's increasing inclusivity and strengthens the armed forces for the future. Their achievement inspires countless young women nationwide.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.