HSC / 12th Exam : बारावी पेपरमध्ये सहाव्या दिवशी काॅपीचे २५ प्रकार उघड 

राज्यात पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण अशा एकूण नऊ विभागांत परीक्षा घेतली जात आहे.

पुणे : राज्यात इयत्ता बारावीची परीक्षा सुरू असून, सहाव्या दिवशी काॅपीचे २५ प्रकार उघड झाले आहेत. तर्कशास्त्र आणि भाैतिकशास्त्राचा पेपर हाेता. पाचव्या दिवशी काॅपीचे दोन प्रकार घडले हाेते. अपवाद फक्त चाैथ्या पेपरचा हाेता. सर्वच विभाग काॅपी प्रकरणात निरंक ठरलेल्या चाैथ्या दिवशी सकाळच्या सत्रात महाराष्ट्री प्राकृत, संस्कृत; तर दुपारच्या सत्रात अर्धमागधी, रशियन आणि अरेबिक विषयाचा पेपर हाेता.

साेमवारी सकाळच्या सत्रात तर्कशास्त्र आणि भौतिकशास्त्र विषयाचा पेपर झाला. या दरम्यान पुणे विभागात ९, नागपूर ५, छत्रपती संभाजीनगर ३, नाशिक १ आणि लातूर विभागात ७ अशी एकूण २५ प्रकरणे उघड झाली. मुंबई, कोल्हापूर, अमरावती, कोकण हे विभाग निरंक राहिले आहेत.

राज्यात पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण अशा एकूण नऊ विभागांत परीक्षा घेतली जात आहे. राज्यात आतापर्यंत पहिल्या दिवशी अर्थात १० फेब्रुवारीला काॅपीची ४२ प्रकरणे आढळून आली हाेती. दुसऱ्या दिवशी चार प्रकरणे उघड झाली. तिसऱ्या दिवशीही काॅपीची ३० प्रकरणे उघड झाली. अपवाद चाैथा दिवस निरंक ठरला आणि पाचव्या दिवशी दाेन प्रकरणे उघड झाली. सहाव्या दिवशी पुन्हा २५ प्रकरणे उघड झाली. राज्य माध्यमिक व उच्च माध्यमिक मंडळाने परिपत्रकाद्वारे ही माहिती दिली आहे. विद्यार्थ्यांना काॅपीमुक्त आणि तणावमुक्त पेपर देता यावा म्हणून राज्य दक्षता समिती, जिल्हा दक्षता समितीने आवश्यक उपाययाेजना केल्या आहेत.