पुणे : पुणे महापालिकेच्या मराठी माध्यमातील ८०, तर उर्दु माध्यमाच्या ११ शाळा अशा ९१ शाळांना मुख्याध्यापक नसल्याची धक्कादायक माहिती महापालिकेच्या प्रश्नोत्तरातून उघकीस आली आहे. त्यामुळे या शाळांमधील कारभार चालतो तरी कसा ? असा प्रश्न उपस्थित होत आहे.
पुणे महापालिकेत गेली चार वर्षे प्रशासक राज होते. त्यानंतर पालिका निवडणुका झाल्या. चार वर्षांनंतर पालिकेचे सभागृह अस्तित्त्वात आले आहे. त्यानंतर पालिकेच्या सर्वसाधारण सभेच्या प्रश्नाेतरांना सुरुवात झाली. त्यात भाजपचे नगरसेवक योगेश मुळीक यांनी पालिकेच्या किती शाळांमध्ये मुख्याध्यापक पद रिक्त आहे, याची माहिती विचारली. त्यात मराठी माध्यमातील ८०, तर उर्दु माध्यमाच्या ११ शाळा या प्रकारे ९१ शाळांना मुख्याध्यापक नाही.
पालिकेच्या माध्यमिक व तांत्रिक शिक्षण विभागाकडील एकूण ४३ शाळांपैकी अनुदानित शाळा १८ आहेत. मुख्याध्यापक पद भरण्याबाबत पालिका प्रशासनाने पदोन्नती प्रक्रियेबाबत सर्वोच्च न्यायालयाचे आदेश विचारात घेऊन कार्यवाही सुरू केली आहे. नवीन शैक्षणिक वर्ष सुरू होण्यापूर्वी कार्यवाही पूर्ण करण्यात येईल, असे लेखी उत्तर पालिका प्रशासनाने दिले आहे.
दरम्यान, मराठी शाळा वाचविल्या पाहिजेत, या शाळांतील विद्यार्थी संख्या कमी होत आहे, असे अनेक प्रश्न असताना आता मुख्याध्यापकच नाहीत, हे धक्कादायक आहे. मुख्याध्यापकच नसतील, तर त्या शाळांची अवस्था बिकट असणार आहे. याविषयी मात्र महापालिका गांभीर्याने घेत नसल्याचे समोर आले आहे.
Web Summary : Pune Municipal Corporation reveals 91 schools lack headmasters, raising concerns about administration. The issue came to light during a question-and-answer session. Despite assurances of action before the new academic year, the situation highlights neglect of Marathi schools.
Web Summary : पुणे नगर निगम ने खुलासा किया कि 91 स्कूलों में प्रधानाध्यापकों की कमी है, जिससे प्रशासन के बारे में चिंताएँ बढ़ गई हैं। यह मुद्दा एक प्रश्नोत्तर सत्र के दौरान सामने आया। नए शैक्षणिक वर्ष से पहले कार्रवाई के आश्वासन के बावजूद, स्थिति मराठी स्कूलों की उपेक्षा को उजागर करती है।