Pune Grand Tour : डेक्कनमध्ये पुणे ग्रॅण्ड टूरदरम्यान सायकलपटूंचा अपघात; वादाचा व्हिडिओ व्हायरल

काही काळ सायकलपटूंमध्ये वादावादी झाली. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.

पुणे -पुणे ग्रॅण्ड टूर सायकल स्पर्धेदरम्यान शुक्रवारी दुपारी डेक्कन परिसरात सायकलपटूंमध्ये अपघात झाल्याची घटना घडली. संभाजी महाराज पुतळ्याजवळील मार्गावर हा अपघात झाला असून त्यानंतर काही काळ सायकलपटूंमध्ये वादावादी झाली. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.

अपघातानंतर काही सायकलपटूंमध्ये शाब्दिक वाद झाला. परिस्थिती नियंत्रणात आणण्यासाठी घटनास्थळी असलेल्या पोलिसांनी हस्तक्षेप करत वाद मिटवला. पोलिसांच्या मध्यस्थीनंतर स्पर्धा पुन्हा सुरळीतपणे सुरू करण्यात आली. व्हायरल व्हिडिओवर नागरिकांकडून संमिश्र प्रतिक्रिया उमटत असून, काहींनी आयोजकांच्या नियोजनावर प्रश्न उपस्थित केले आहेत.

#PuneGrandTour डेक्कनमध्ये पुणे ग्रॅण्ड टूरदरम्यान सायकलपटूंचा अपघात; वादाचा व्हिडिओ व्हायरल#Pune#Video@Bajajpic.twitter.com/csvmmD84nU

— Lokmat (@lokmat) January 24, 2026

दरम्यान, पुण्यातील ऐतिहासिक भागातून मार्गस्थ झालेल्या पुणे ग्रॅण्ड टूर सायकल स्पर्धेच्या ९५ किलोमीटर अंतराच्या अखेरच्या ‘पुणे प्राइड लूप’ टप्प्यात आंतरराष्ट्रीय सायकलपटूंनी दमदार कामगिरी केली. शुक्रवारी झालेल्या अंतिम टप्प्यात ली निंग स्टार संघाच्या श्नायर्को ॲलिक्सेईने १ तास ५६ मिनिटे ५४ सेकंद वेळ नोंदवत प्रथम क्रमांक पटकावला.

दोन टप्प्यांतील उत्कृष्ट कामगिरीच्या जोरावर ल्यूक मडग्वेने संपूर्ण पुणे ग्रॅण्ड टूरचे विजेतेपद पटकावले. तर ली निंग स्टार संघाने सांघिक विजेतेपदावर आपले नाव कोरले. अपघाताची घटना घडूनही स्पर्धेचा उत्साह कायम राहिल्याचे चित्र पाहायला मिळाले.