पुणे : ‘तुझे लग्न जमू देणार नाही, तुझ्या कुटुंबीयाचा खून करेल’, यासह तिच्या कुटुंबीयांना जीवे मारण्याची धमकी दिल्याप्रकरणी येरवड्यातील लक्ष्मीनगर पोलिसांनी एका तरुणाला अटक केली.
याबाबत एका २१ वर्षाच्या तरुणीने लक्ष्मीनगर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी तरुणीचे आरोपीशी चार वर्ष प्रेमसंबंध होते. तरुणीच्या कुटुंबीयांनी तिचे लग्न ठरविले. त्यामुळे तरुणीने त्याला प्रेमसंबंध ठेवू नको, माझे लग्न ठरले आहे, असे आरोपीला सांगितले. त्यानंतर आरोपी तरुणाने तरुणीला शिवीगाळ करून धमकावले.
तुझे लग्न जमू देणार नाही, तुझ्या कुटुंबीयाचा खून करेल. आरोपीने तरुणीच्या आईला तीक्ष्ण शस्त्राचा धाक दाखवून तिला जीवे मारण्याची धमकी दिली होती. त्यानंतर आरोपी तरुणाने तरुणीचा ज्याच्याशी लग्न ठरले होते, त्याला प्रेमसंबंधाची छायाचित्रे पाठविली. नियोजित पतीने लग्न मोडले. या घटनेनंतर तरुणीने पोलिसांकडे तक्रार दिली. पोलिस उपनिरीक्षक जगताप तपास करत आहेत.
Web Summary : A Pune man was arrested for threatening a woman and her family after she ended their relationship because of her arranged marriage. He threatened to kill her family and sent intimate photos to her fiancé, leading to the wedding being called off. Police are investigating.
Web Summary : पुणे में एक युवक को गिरफ्तार किया गया है। उस पर एक महिला और उसके परिवार को जान से मारने की धमकी देने का आरोप है, क्योंकि महिला ने तय शादी के कारण उससे रिश्ता तोड़ लिया था। उसने परिवार को मारने की धमकी दी और मंगेतर को तस्वीरें भेजी, जिससे शादी टूट गई। पुलिस जांच कर रही है।