पुणे : करमाळा, जि. सोलापूर परिसरातून पुणे शहरात गांजा विक्रीसाठी आलेल्या चौघांना गुन्हे शाखेने अटक केली. त्यांच्याकडून ७२ किलो गांजा आणि कार असा १९ लाख ९३ हजार रुपयांचा मुद्देमाल जप्त करण्यात आला. केसनंद-वाडेबोल्हाई रस्त्यावर ही कारवाई करण्यात आली. भिवा कालिदास वाघमोडे (वय ३६), विष्णू भागवत वाघमोडे (वय २८), हरी श्रीपती ढवळे (वय ३२) आणि मनोज अनिल सुरवसे (वय २९, चौघे मूळ रा. करमाळा, जि. सोलापूर) अशी अटक करण्यात आलेल्यांची नावे आहेत.
गुन्हे शाखेच्या युनिट सातचे सहायक पोलिस निरीक्षक मदन कांबळे आणि पथक हे पुणे-अहिल्यानगर रस्ता परिसरात गस्त घालत होते. त्यावेळी कारने चार जण गांजा विक्रीसाठी येणार असल्याची माहिती पोलिस कर्मचारी ऋषीकेश ताकवणे यांना मिळाली. केसनंद-वाडेबोल्हाई रस्ता परिसरात पोलिसांनी सापळा लावला. पोलिसांनी कार अडवत, चौघांची चौकशी सुरू केली. कारच्या डिक्कीत एका पोत्यात ५८ किलो गांजा असल्याची माहिती चौकशीत पोलिसांना मिळाली. त्यानंतर पोलिसांनी गांजा ठेवलेले पोते जप्त केले. आरोपींनी पुणे शहरात गांजा विक्रीसाठी आणल्याची माहिती पोलिसांना दिली.
आरोपींनी करमाळ्यातील घरात गांजा लपवून ठेवल्याचे सांगितले. त्यानंतर पोलिसांचे पथक करमाळ्याला रवाना झाले. करमाळ्यातील धायखिंडी परिसरातील आरोपींच्या घरातून १४ किलो गांजा जप्त केला. पोलिसांनी या कारवाईत एकूण मिळून ७२ किलो गांजा आणि कार असा मुद्देमाल जप्त केला. आरोपी गांजा कोणाला विक्री करणार होते, यादृष्टीने पोलिसांकडून तपास करण्यात येत आहे. पोलिस आयुक्त अमितेश कुमार, सहआयुक्त रंजनकुमार शर्मा, अपर आयुक्त पंकज देशमुख, उपायुक्त निखिल पिंगळे यांच्या मार्गदर्शनाखाली युनिट सातच्या पोलिस पथकाने ही कारवाई केली.
Web Summary : Pune police arrested four individuals from Karmala for selling ganja, seizing 72 kg of the drug and a car worth ₹19.93 lakhs. The arrests occurred near Kesnand-Wadebolhai road. Further investigation is underway to determine the intended recipients of the ganja.
Web Summary : पुणे पुलिस ने करमाला से गांजा बेचने के आरोप में चार लोगों को गिरफ्तार किया, ₹19.93 लाख मूल्य का 72 किलो गांजा और एक कार जब्त की। गिरफ्तारियां केसनंद-वाडेबोल्हाई मार्ग के पास हुईं। गांजे के इच्छित प्राप्तकर्ताओं का पता लगाने के लिए आगे की जांच जारी है।