पुणे : जमिनीच्या वादातून रायगड जिल्ह्यातील कर्जत परिसरात गोळीबार करुन पसार झालेल्या एकाला गुन्हे शाखेने अटक केली. शिवाजीनगर भागात ही कारवाई करण्यात आली. सिद्धार्थ प्रभाकर केंगार (२४, रा. हेल्थ कॅम्प, महापालिका वसाहत, पांडवनगर, शिवाजीनगर) असे अटक करण्यात आलेल्याचे नाव आहे. रायगड जिल्ह्यातील कर्जत परिसरात १ ऑक्टोबर रोजी जमिनीच्या वादातून केंगार याने एकावर देशी बनावटीच्या पिस्तुलातून गोळीबार केला होता.
याप्रकरणी केगार याच्या विरुद्ध कर्जत पोलिस ठाण्यात खुनाचा प्रयत्न, बेकायदा शस्त्र बाळगल्याप्रकरणी गुन्हा दाखल करण्यात आला होता. केंगार हा गोळीबार प्रकरणात पसार झाला होता. कर्जत पोलिसांकडून त्याचा शोध घेण्यात येत होता. केंगार हा वडारवाडी परिसरात येणार असल्याची माहिती गुन्हे शाखेच्या युनिट दोनमधील पोलीस हवालदार शंकर कुंभार, उज्ज्वल मोकाशी, विजयकुमार पवार यांना मिळाली. त्यानंतर पोलिसांनी सापळा लावून त्याला पकडले. केंगार याला कर्जत पोलीस ठाण्याच्या ताब्यात देण्यात आले आहे.
अपर आयुक्त पंकज देशमुख, उपायुक्त निखील पिंगळे, सहायक आयुक्त विजय कुंभार यांच्या मार्गदर्शनाखाली वरिष्ठ पोलीस निरीक्षक संतोष साेनवणे, सहायक निरीक्षक आशिष कवठेकर, अमोल रसाळ, कुंभार, मोकाशी, पवार, संजय जाधव, सर्जेराव सरगर, शंकर नेवसे, साधना ताम्हाणे, योगेश मांढरे, संजय आबनावे, विशाल दळवी, गणेश आबनावे यांनी ही कामागिरी केली.
Web Summary : A suspect in the Karjat shooting case, stemming from a land dispute, was arrested in Pune. The accused, Siddharth Kengar, had allegedly shot someone in Karjat. He was on the run and has been handed over to Karjat police.
Web Summary : कर्जत गोलीबारी मामले का एक संदिग्ध, जो जमीन विवाद से जुड़ा है, पुणे में गिरफ्तार किया गया। आरोपी, सिद्धार्थ केंगार पर कर्जत में किसी को गोली मारने का आरोप है। वह फरार था और उसे कर्जत पुलिस को सौंप दिया गया है।