धायरी (पुणे) : शहरात ठिकठिकाणी मराठा आरक्षणासाठी आज आंदोलन केले जात आहे. अनेक ठिकाणी उपोषण सुरू आहे. मुंबई - बंगळुरू महामार्गावरील नवले पूल परिसरात मराठा आंदोलक जमा झाले असून त्यांनी महामार्गावरील दोन्ही बाजू कडील वाहतूक रोखली आहे. या ठिकाणी टायर देखील आंदोलकांनी जाळले.
यामुळे दोन्ही बाजूची वाहतूक खोळंबली आहे. आंदोलकांनी रस्त्यावर मोठ्या प्रमाणात टायर जाळले असून आंदोलकांनी आक्रमक पवित्रा धारण केला आहे. यामुळे दोन्ही बाजूने मोठ्या प्रमाणात वाहतूक कोंडी झाली आहे. पोलीस आंदोलकांना समजावून सांगण्याचा प्रयत्न करीत आहेत, मात्र आंदोलक माघार घ्यायला तयार नाहीत.