Mumbai Pune Expressway Traffic Updates: गेल्या दोन-तीन दिवसांपासून मुंबईपुणे एक्सप्रेस वे वरील वाहतूककोंडी हा प्रचंड चर्चेचा विषय ठरला आहे. उदासीन प्रशासनामुळे सर्वसामान्य प्रवाशांना हाल सोसावे लागल्याच्या घटना या मार्गावर गेल्या दोन दिवसांत खूपच जास्त घडताना दिसत आहे. सुरुवातीला गॅस टँकर पलटी झाल्याने वाहतूककोंडी झाली होती. तब्बल ३२ तासांच्या वाहतूककोंडीनंतर वाहतूक सुरळीत झाली होती. काल याच मार्गावर सिमेंट कंटनेर बंद पडल्याने वाहतूककोंडी झाली होती. त्यानंतर आज शुक्रवारी धीम्या गतीने वाहतूक सुरु असतानाच बोरघाटात अनेक वाहने बंद पडल्यामुळे पुन्हा एकदा मुंबईपुणे एक्सप्रेस वे वर वाहतूक ठप्प झाली असून वाहनांच्या लांबच्या लांब रांगा लागल्याची स्थिती आहे.
अन्न-पाण्यापासून ते शौचालयापर्यंतच्या समस्या
दरम्यान, मुंबई-पुणे द्रुतगती मार्गावर आडोशी बोगद्याजवळ गॅस टँकरच्या झालेल्या अपघातामुळे अभूतपूर्व वाहतूककोंडी झाली होती. त्यानंतर टँकरमधील वायू गळती रोखण्यात प्रशसनाला अपयश आल्याने तब्बल अडीच दिवस वाहतूक ठप्प झाली. यामध्ये अडकलेल्या प्रवाशांना अन्न-पाण्यापासून ते शौचालयापर्यंतच्या समस्यांना सामोरे जावे लागले. द्रुतगती मार्गावर आपत्कालीन यंत्रणाच सक्षम नसल्याची बाब आता अधोरेखित झाली आहे. ‘आयआरबी’च्या यंत्रणेने या समस्येसमोर हात टेकल्यानंतर महामार्ग पोलिसांनी ‘बीपीसीएल’ कंपनीकडे मदत मागितली असता, त्यांनी गॅस गळती रोखली. या अडीच दिवसांत कोंडीत अडकून पडलेल्या प्रवाशांच्या झालेल्या जाचातून प्रशासन बोध घेईल का, असा प्रश्न उपस्थित होत आहे.
Web Summary : Traffic on the Mumbai-Pune Expressway was disrupted again after multiple vehicles broke down in Borghat. This follows recent traffic jams caused by a gas tanker accident and a broken-down cement container, causing severe inconvenience to commuters and highlighting the lack of proper emergency response systems.
Web Summary : मुंबई-पुणे एक्सप्रेसवे पर बोरघाट में कई वाहन खराब होने के बाद फिर से यातायात बाधित हो गया। हाल ही में गैस टैंकर दुर्घटना और सीमेंट कंटेनर खराब होने से भी यातायात जाम हुआ था, जिससे यात्रियों को भारी असुविधा हुई और उचित आपातकालीन प्रतिक्रिया प्रणाली की कमी उजागर हुई।