माझी चूक असेल, तर मला कठोर शिक्षा करा! सीआयडी चौकशीत व्ही. के. सिंग यांचा जबाब

व्ही. के. सिंग आणि रोहित सिंग यांची सीआयडीने तीन दिवस चौकशी केली. मात्र, नेमके कोणत्या मुद्द्यांवर चौकशी करण्यात आली. मात्र याबाबत सीआयडीकडून गुप्तता पाळण्यात आली आहे.

पुणे : राज्याचे दिवंगत उपमुख्यमंत्री अजित पवार यांच्या बारामती जवळ झालेल्या विमान अपघातप्रकरणी पायलट सुमित कपूर याची चूक आहे. यात माझी काही चूक असेल, तर मला कठोर शिक्षा करा, असा धक्कादायक जबाब व्हीएसआर या विमान कंपनीचे मालक व्ही. के. सिंग यांनी दिला आहे. त्यांची सीआयडी चौकशी सुरू आहे.

तीन दिवस चौकशी; तपशिलाबाबत गुप्तता

व्ही. के. सिंग आणि रोहित सिंग यांची सीआयडीने तीन दिवस चौकशी केली. मात्र, नेमके कोणत्या मुद्द्यांवर चौकशी करण्यात आली. मात्र याबाबत सीआयडीकडून गुप्तता पाळण्यात आली आहे.

अजित पवार विमान दुर्घटनेबाबत संशय

अजित पवार यांच्या विमान अपघातानंतर आ. रोहित पवार यांनी अनेक प्रश्न उपस्थित करून कंपनीतल्या त्रुटी समोर आणल्या आणि हा घातपात असल्याचा आरोप केला आहे. व्हीएसआर कंपनीवर गुन्हा दाखल करण्यासाठी त्यांनी बारामती पोलीस ठाण्याबाहेर आंदोलनही केले होते. व्हीएसआर कंपनीबाबत अजित पवार यांचे पुत्र जय पवार हेही आता आवाज उठवू लागले आहेत.