धक्कादायक! पुण्यात नऊ वर्षीय मुलीवर लैंगिक अत्याचार; तरुणाविरोधात गुन्हा दाखल
By ऑनलाइन लोकमत | Updated: May 5, 2025 12:15 IST2025-05-05T12:14:15+5:302025-05-05T12:15:07+5:30
याप्रकरणी पीडितेच्या आईने कोंढवा पोलिस ठाण्यात तक्रार दिली आहे. यावरून एका अल्पवयीन तरुणाच्या विरोधात गुन्हा दाखल करण्यात आला आहे.
धक्कादायक! पुण्यात नऊ वर्षीय मुलीवर लैंगिक अत्याचार; तरुणाविरोधात गुन्हा दाखल
पुणे- पुण्यातून एक धक्कादायक बातमी समोर आली आहे. घराजवळ राहत असलेल्या तरुणाकडून स्वच्छतागृहात चिमुरडीवर लैंगिक अत्याचार झाल्याची घटना उघडकीस आली आहे. ही घटना पुण्यातील कोंढवा परिसरातील घडली आहे. या प्रकरणी पोलिसांनी कारवाई सुरू केली आहे.
याप्रकरणी पीडितेच्या आईने कोंढवा पोलिस ठाण्यात तक्रार दिली आहे. यावरून एका अल्पवयीन तरुणाच्या विरोधात गुन्हा दाखल करण्यात आला आहे.
Crime News: पंखा दाखवा म्हणाले अन् दुकानदारावर गोळी झाडून निघून गेले; घटना सीसीटीव्हीमध्ये कैद
मिळालेल्या माहितीनुसार, पीडित मुलगी आणि आरोपी हे एकाच परिसरात राहतात. ही घटना ३ मे रोजी रात्री १० वाजता घडली. पीडित चिमुरडी रात्री स्वच्छतागृहात गेली होती. यावेळी आरोपीने देखील तिच्या मागोमाग प्रवेश करत दरवाजा लावून घेतला आणि तिच्यावर लैंगिक अत्याचार केले. जबरदस्ती केल्यानंतर कुणालाही सांगितल्यास ठार मारण्याची धमकी या आरोपीने पीडित मुलीला दिली होती.
मात्र, घरी गेल्यानंतर पोट दुखू लागल्याने पीडित मुलीने आईला सगळा प्रकार सांगितला. त्यानंतर पीडितेच्या आईने तिच्या अंगावरून कपडे काढून पाहिल्यानंतर हा प्रकार उघडकीस आला. त्यानंतर पिडीतेच्या आईने कोंढवा पोलीस स्टेशन गाठत तक्रार दिली.
कोंढवा पोलीस ठाण्यात याप्रकरणी पोक्सो कायद्याअंतर्गत गुन्हा दाखल करण्यात आला असून अधिक तपास सुरू आहे.