अवसरी : पुणे - नाशिक महामार्गावर नंदी चौकात मालवाहतूक ट्रक व खाजगी बसचा भीषण अपघात झाला असून बसमध्ये चाळीस प्रवासी होते. त्यापैकी अंदाजे २० ते २२ प्रवासी जखमी झाले आहेत. जखमी प्रवाशांना मंचर येथील उपजिल्हा रुग्णालयात उपचारासाठी दाखल केले आहे. सदर अपघात मंगळवार दिनांक ११ रोजी साडेआठ वाजल्याच्या दरम्यान घडला असून खासगी बस पुण्यावरून नागपूरकडे जात असताना मालवाहतूक ट्रकला मागून धडकल्याचे प्रथमदर्शनी नागरिकांनी सांगितले आहे. घटनेची माहिती कळताच मंचर पोलिसांनी घटनास्थळी भेट देत पाहणी केली आहे.
याबाबत अधिक माहिती अशी की, देवदर्शनासाठी निघालेल्या दोन बस रात्रीच्या वेळी आळंदी येथून भीमाशंकर येथे जात होत्या. मंगळवार दिनांक.११ रोजी रात्री साडेआठच्या सुमारास पुणे नाशिक महामार्गावर नंदी चौकात ट्रकचालकाने अचानक ब्रेक लावल्यानंतर मागून येणारी खाजगी बस ट्रकला जोरात धडकली. यात बसचे पुढील भागाचे मोठे नुकसान झाले. यावेळी पुढील आसनांवरील अनेक भाविक जखमी झाले आहेत. ते सर्व भाविक नागपूर येथील आहेत. घटनेची माहिती मिळतात वरिष्ठ पोलीस निरीक्षक श्रीकांत कंकाळ, पोलीस उपनि हगवणे, अविनाश दळवी, संपतराव. कायगुडे यांच्यासह पथकाने घटना रुग्णालयात डॉ. विवेकानंद फसाले, डॉ. अश्विनी घोडे यांच्या पथकाने प्रकृती सुधारत असल्याची माहिती देण्यात आली.
Web Summary : Near Pune-Nashik highway, a bus rammed into a truck after the truck braked suddenly. Around 20 bus passengers were injured and hospitalized. The bus, carrying 40 passengers from Pune to Nagpur, sustained significant front-end damage.
Web Summary : पुणे-नासिक राजमार्ग के पास, अचानक ब्रेक लगने के बाद एक बस ट्रक से टकरा गई। लगभग 20 बस यात्री घायल हो गए और उन्हें अस्पताल में भर्ती कराया गया। पुणे से नागपुर जा रही 40 यात्रियों वाली बस के सामने का हिस्सा बुरी तरह क्षतिग्रस्त हो गया।