पुणे : सारसबागेत बेवारस बॅग सापडल्यानंतर बुधवारी सायंकाळी घबराट उडाली. या घटनेची माहिती मिळाल्यानंतर बाॅम्ब शाेधक व नाशक पथकाने घटनास्थळी धाव घेऊन बॅगेची तपासणी केली. तेव्हा पिशवीत संशयास्पद वस्तू आढळून आली नाही.
स्वारगेट पोलिस ठाण्यातील पोलिस पथक घटनास्थळी दाखल हाेत सारसबागेचा परिसर त्वरित मोकळा केला. बाॅम्ब शोधक व नाशक पथकही घटनास्थळी दाखल झाले. बॅगेची पाहणी करण्यात आली. तेव्हा पिशवीत कोणतीही संशयास्पद वस्तू सापडली नाही. जी-२० परिषदेसाठी शहरात बंदोबस्त ठेवण्यात आला आहे. सारसबागेत बेवारस बॅग सापडल्याचे उघडकीस आल्यानंतर पोलिसांची धावपळ उडाली.