पुणे : आळंदी येथे 9 फुटी अजगर आढळल्याची घटना बुधवारी (23 एप्रिल) सकाळी उघडकीस आली. सकाळी सुमारे 8 वाजण्याच्या सुमारास आळंदी-वडगाव रोडवरील IGW कंपनी परिसरात झाडावर मोठा साप असल्याची माहिती स्थानिकांना मिळाली. यानंतर ही माहिती तात्काळ वन्यजीव रक्षक आकाश सूर्यवंशी यांना देण्यात आली. माहिती मिळताच त्यांनी कोणताही विलंब न करता घटनास्थळी धाव घेतली.
घटनास्थळी पोहोचून पाहणी केली असता तो साप तब्बल 9 फुटी अजगर असल्याचे स्पष्ट झाले. परिसरात नागरिकांची गर्दी होऊ लागली होती, त्यामुळे परिस्थिती नियंत्रणात ठेवत अत्यंत सावधगिरीने आणि कौशल्याने अजगराला पकडण्यात आले. या संपूर्ण कारवाईदरम्यान कोणालाही इजा झाली नाही. यानंतर वन अधिकारी भाऊसाहेब इंदलकर यांच्या मार्गदर्शनाखाली अजगराला सुरक्षितपणे त्याच्या नैसर्गिक अधिवासात सोडण्यात आले. या घटनेमुळे परिसरात काही काळ भीतीचे वातावरण निर्माण झाले होते, मात्र वन विभागाच्या तत्पर कारवाईमुळे परिस्थिती लवकर नियंत्रणात आली. वन विभागाने नागरिकांना आवाहन केले आहे की, अशा प्रकारचे वन्य प्राणी आढळल्यास घाबरून न जाता त्वरित संबंधित अधिकाऱ्यांशी संपर्क साधावा असे आवाहन करण्यात आले आहे.
Web Summary : A 9-foot python was found in a tree in Alandi. Forest officials promptly rescued the snake and released it back into its natural habitat, calming frightened locals.
Web Summary : आलंदी में एक पेड़ पर 9 फुट का अजगर मिला। वन विभाग के अधिकारियों ने तुरंत सांप को बचाया और उसे वापस उसके प्राकृतिक आवास में छोड़ दिया, जिससे डरे हुए स्थानीय लोग शांत हो गए।