अवसरी (आंबेगाव तालुका) : पिकप गाडी रिव्हर्स घेत असताना किन्नर बाजूने पीकअप गाडीखाली येऊन ४ वर्षीय मुलाचा दुर्दैवी मृत्यू झाला असल्याची घटना गावडेवाडी ता. आंबेगाव येथे घडली आहे. सिद्धांत गणेश कठाळे असे या लहान मुलाचे नाव आहे. याबाबत संतोष गणेश कठाळे यांनी मंचर पोलीस ठाण्यात फिर्याद दाखल केली आहे. तर अपघात करून लहान मुलाच्या मृत्यूस कारणीभूत ठरल्या प्रकरणी पिकअप चालक संतोष काकासाहेब कठाळे (वय ४० रा गावडेवाडी रासुरामळा) यांच्यावर मंचर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, शनिवार दिनांक ५/१०/२०२५ रोजी सकाळी अकरा वाजल्याचा सुमारास गावडेवाडी गावच्या हद्दीत शेरीमळा येथील फ्लावरच्या शेतात फिर्यादी गणेश काकासाहेब कठाळे यांचा भाऊ संतोष काकासाहेब कठाळे हा त्याच्या ताब्यातील महिंद्रा पिकप एम एच १२ टी.व्ही ३२७७ ही गाडी रिव्हर्स घेत होता. त्यावेळी सिद्धांत गणेश कठाळे याला पिकपचा धक्का लागून तो पिकपच्या मागील बाजूला पडला. त्यावेळी त्याच्या अंगावरून गाडीचे चाक गेल्याने त्याच्या छातीला गंभीर दुखापत होऊन त्याचा मृत्यू झाला. याप्रकरणी मंचर पोलीस ठाण्यात संतोष कठाळे यांच्यावर गुन्हा दाखल करण्यात आला असून पुढील तपास मंचर पोलीस ठाण्याचे सहायक फौजदार मांडवे करत आहेत.
Web Summary : A four-year-old boy died in Gavdewadi, Ambegaon, after being run over by a reversing pickup truck. Police have registered a case against the driver, Santosh Kathale, for causing death by negligence. The incident occurred on October 5th in a flower field.
Web Summary : आंबेगांव तालुका के गवडेवाड़ी में पिकअप ट्रक के नीचे आने से चार वर्षीय बालक की दर्दनाक मौत हो गई। पुलिस ने लापरवाही से मौत का मामला दर्ज कर चालक संतोष कठाले को गिरफ्तार किया। घटना 5 अक्टूबर को फूल के खेत में हुई।