देहूरोड : पुणे- मुंबई राष्ट्रीय महामार्गावर कॅन्टोन्मेंट बोर्डाच्या हद्दीत निगडीजवळ कंटेनर व दुचाकी यांच्यात झालेल्या अपघातात दुचाकीवरील दोघे तरुण ठार झाले असून एक तरुण जखमी झाला आहे. जखमींवर निगडीतील एका खासगी रुग्णालयात उपचार सुरु आहेत. सौदागर दशरथ लोंढे ( वय २७) , ऐश मोहम्मद खान (वय २३ दोघे रा. मोरेवस्ती, चिखली ) असे अपघातात मरण पावलेल्या तरुणांची नावे असून ज्ञानेश्वर दत्तू कांबळे ( वय २६ , रा. मोरेवस्ती चिखली ) हा तरुण जखमी झाला असून त्यांच्यावर वेक रुग्णालयात उपचार सुरु आहेत. पोलिसांकडून मिळालेल्या प्राथमिक माहितीनुसार, पुणे- मुंबई राष्ट्रीय महामार्गावर निगडी येथील भक्ती -शक्ती चौकाजवळ उड्डाणपुलाचे काम चालू आहे. त्याठिकाणी वाहतूक संथ गतीने सुरु असतानाही जवळ असणा?्या एका हॉटेलसमोर अज्ञात कंटेनरने दुचाकीला (एमएच १४ एचवाय ६८०) धडक दिली. दुचाकीवरील लोंढे व खान या दोघांचा अपघातात मृत्यू झाला असून कांबळे हा तरुण जखमी झाला आहे. दुचाकीला धडक देऊन कंटेनर निघून गेला आहे. दुस?्या हॉटेलच्या सीसीटीव्हीवरून सदर वाहनाचा क्रमांक शोधण्यात येत आहे.
पुणे- मुंबई राष्ट्रीय महामार्गावर निगडीजवळ झालेल्या अपघातात दोघे ठार
By ऑनलाइन लोकमत | Published: February 01, 2020 4:57 PM