पिंपरी : पिंपरी-चिंचवड परिवहन कार्यालयात (आरटीओ) २०२५ मध्ये रेकॉर्डब्रेक २ लाख १८ हजार २८२ वाहनांची नोंदणी झाली. वर्षभरात १२१९ कोटी १४ लाखांचा महसूल जमा झाला आहे. इलेक्ट्रिक वाहनांच्या नोंदणीलाही वेग आला आहे. शहरात आता एकूण वाहन संख्या २५ लाख १६ हजारांवर पोहोचली आहे.
गेल्या पाच वर्षांत पिंपरी चिंचवड आरटीओत वाहन नोंदणीमध्ये सातत्याने वाढ दिसून येत आहे. वाहन नोंदणी, फॅन्सी नंबर, पर्यावरण कर, विविध परवाने यातून महसूल मिळत असतो. २०२२ मध्ये ८२२ कोटी २० लाख ६३ हजार ४५४ रुपये, २०२३ मध्ये ९७८ कोटी १९ लाख ८८ हजार ९५२ रुपये, २०२४ मध्ये १,०९५ कोटी ४७ लाख ५४ हजार ९७३ रुपये, तर २०२५ मध्ये १,२१९ कोटी १४ लाख ४३ हजार ७१७ रुपयांचा महसूल जमा झाला आहे.
२०२५ मध्ये १ लाख ३३ हजार ११७ दुचाकी, ५२ हजार ३९८ मोटारी, ६ हजार ९१२ ऑटो रिक्षांची नोंदणी झाली आहे. नोंदणी झालेल्या २९ हजार ४३७ वाहतूक वाहनांमध्ये १० हजार ९०४ मालवाहतूक वाहनांचा समावेश आहे.
वर्ष = एकूण नवीन वाहन नोंदणी = महसूल
२०२२ == १,४९,३०० == ८२२ कोटी २० लाख ६३,४५४२०२३ == १,७७,०७३ == ९७८ कोटी १९ लाख ८८,९५२
२०२४ == १,९१,६०२ == १०९५ कोटी ४७ लाख ५४,९७३२०२५ == २,१८,२८२ == १२१९ कोटी १४ लाख ४३,७१७
इलेक्ट्रिक वाहनांना पसंती
सध्या इलेक्ट्रिक वाहनांना ग्राहक पसंती देत असून २०२५ मध्ये १४ हजार ३११ इलेक्ट्रिक, तर ९,६६३ सीएनजी वाहनांचीही नोंदणी झालेली आहे.
२०२५ मध्ये वाहन नोंदणीत १३.९२ टक्क्यांनी वाढ झाली असून १२१९ कोटी १४ लाख ४३ हजार ७१७ रुपयांचा महसूल जमा झाला आहे. २ लाख १८ हजार २८२ वाहनांची विक्रमी नोंद झाली आहे. - राहुल जाधव, उपप्रादेशिक परिवहन अधिकारी
Web Summary : Pimpri Chinchwad RTO witnessed record vehicle registrations in 2025, totaling 2.18 lakh. Revenue surged to ₹1219 crore. Electric vehicles gained popularity. Total vehicle count in the city reached 25.16 lakh. The RTO has seen consistent growth in registrations.
Web Summary : पिंपरी चिंचवड आरटीओ ने 2025 में 2.18 लाख वाहनों के रिकॉर्ड पंजीकरण दर्ज किए। राजस्व बढ़कर ₹1219 करोड़ हो गया। इलेक्ट्रिक वाहनों की लोकप्रियता बढ़ी। शहर में वाहनों की कुल संख्या 25.16 लाख तक पहुंची। आरटीओ में पंजीकरण में लगातार वृद्धि देखी गई है।