पिंपरी : बँकॉकमध्ये पर्यटनासाठी गेलेल्या चिंचवडच्या केशवनगर येथील पूजा प्रशांत मुळे (वय २६) हिचा गुरुवारी (दि. ५) अपघाती मृत्यू झाला. दुःखाचा डोंगर कोसळलेल्या मुळे कुटुंबाला कायदेशीर प्रक्रिया पूर्ण करण्यासाठी, मुलीचा चेहरा पाहण्यासाठी सात दिवसांची वाट पाहावी लागली. पूजावर सात दिवसांनी गुरुवारी (दि. १२) बीड या मूळ गावी अंत्यसंस्कार करण्यात आले.
पूजाचे वडील प्रशांत मुळे कुटुंबासह चिंचवडच्या केशवनगर येथील मोरया गोसावी राजपार्क येथे वास्तव्यास आहेत. पूजाने मराठवाडा मित्र मंडळाच्या कॉलेज ऑफ इंजिनियरिंगमधून संगणक अभियांत्रिकीची पदवी पूर्ण केली. ती पुण्यातील खराडी येथील कंपनीमध्ये संगणक अभियंता होती. सुट्ट्यांचा आनंद घेण्यासाठी दि. १ मार्चला थायलंड येथील कोसामुइ बेटावर गेली होती. त्या वेळी परिसरात फिरण्यासाठी दुचाकी भाड्याने घेतली होती. दि. ५ मार्चच्या सकाळी दुचाकीवरून जात दुभाजकाला धडकून ती गंभीर जखमी झाली. त्यानंतर पूजाला जवळच्या रुग्णालयामध्ये दाखल केले. मात्र, तिच्या रक्तगटाचे रक्त वेळेवर मिळाले नाही. त्यामुळे तीन तासांतच तिचा मृत्यू झाला.
प्रशांत मुळे म्हणाले की, पूजाच्या अपघाताची माहिती मिळाल्यावर दुःखाचा डोंगर कोसळला. त्यानंतर तेथील नातेवाईकांना अपघाताच्या ठिकाणी पाठविले. त्यानंतर कायदेशीर प्रक्रिया सुरू केली. परदेशात मृत्यू झाल्याने कायदेशीर प्रक्रिया पूर्ण करण्याचे आव्हान होते. तेथील दूतावासाशी संपर्क केला. मात्र, तेथील प्रशासकीय कार्यालयांना सुट्टी असल्याने सर्व प्रक्रिया पूर्ण करण्यासाठी विलंब लागला. विमान वाहतूक राज्यमंत्री मुरलीधर मोहोळ, राज्यमंत्री पंकजा मुंडे, खासदार बजरंग सोनवणे यांनाही अपघाताची माहिती दिली. त्यांनी तिचा मृतदेह लवकरात लवकर मिळावा, यासाठी पाठपुरावा सुरू केला. शुक्रवारी (दि. १२) सकाळी पूजाचा मृतदेह भारतात आणण्यात आला. आमच्या मूळ गावी अंत्यसंस्कार करण्यात आले.
Web Summary : Pooja Mule, 26, from Chinchwad, died in a Thailand accident. Legal hurdles delayed the return of her body. After seven days, final rites were performed in Beed. She was a software engineer who went to Thailand for vacation.
Web Summary : चिंचवाड़ की 26 वर्षीय पूजा मुले की थाईलैंड में एक दुर्घटना में मौत हो गई। कानूनी अड़चनों के कारण शव की वापसी में देरी हुई। सात दिनों के बाद, बीड में अंतिम संस्कार किया गया। वह एक सॉफ्टवेयर इंजीनियर थी जो छुट्टियों के लिए थाईलैंड गई थी।