सासूचे जावयाने फोडले डोके!

मुलीस जावई मारहाण करतो हे पाहून भांडण सोडवण्यासाठी तिची आई आली असता जावयाने सासूच्या डोक्यात दगड मारून गंभीर जखमी केले असल्याची घटना

लोणी काळभोर : मुलीस जावई मारहाण करतो हे पाहून भांडण सोडवण्यासाठी तिची आई आली असता जावयाने सासूच्या डोक्यात दगड मारून गंभीर जखमी केले असल्याची घटना नायगाव (ता. हवेली) येथे घडली.सविता चंद्रकांत शिंदे यांच्या डोक्यास चार टाके पडले आहेत. त्यांचे पती चंद्रकांत संपत शिंदे (रा. मार्गवस्ती, नायगाव, ता. हवेली) यांनी दिलेल्या फिर्यादीवरून जावई अनिल महादेव कोळी (वय २३, रा नायगाव, ता. हवेली) यास अटक करण्यात आली आहे.२२ एप्रिल रोजी शिंदे पती-पत्नी घरी असताना सायंकाळी ६ वाजण्याच्या सुमारास जावई अनिल कोळी तेथे आला व त्याने आपली पत्नी दीपाली हिस शिवीगाळ करण्यास सुरुवात केली. आपल्या मुलीस शिवीगाळ होत असल्याचे पाहून सविता यांनी जावयास समजावून सांगत असताना त्याने दीपाली हिस मारहाण करण्यास सुरुवात केली. सविता भांडण सोडविण्यास गेल्या असता त्यांच्या डोक्यात दगड मारल्याने त्या गंभीर जखमी झाल्या. (वार्ताहर)