निगडी : रुपीनगर येथील अंकुश चौकात हायटेन्शन वीज टॉवरवर चढलेल्या व्यक्तीमुळे सोमवारी निर्माण झालेला तणाव अद्याप कायम असून, अनेक तास उलटूनही संबंधित व्यक्ती खाली उतरायला तयार नसल्याने परिस्थिती गंभीर बनली आहे. घटनास्थळी मोठ्या प्रमाणावर नागरिकांची गर्दी झाली आहे.
घटनेची माहिती मिळताच पिंपरी चिंचवड पोलिस, अग्निशमन दल आणि महावितरणचे अधिकारी घटनास्थळी दाखल झाले आहेत. मात्र, वारंवार समजूत काढूनही संबंधित व्यक्ती टॉवरवरच उभा असल्याने पोलिस प्रशासन आणि अग्निशमन दलासमोर मोठे आव्हान उभे आहे. पोलिसांकडून संबंधित व्यक्तीशी संवाद साधण्याचे प्रयत्न सुरू असून, त्याच्या सुरक्षिततेसाठी सर्वतोपरी खबरदारी घेतली जात आहे. अग्निशमन दलाने जाळी व इतर बचाव साहित्य तयार ठेवले असले तरी उंची आणि टॉवरची रचना लक्षात घेता बचावकार्य कठीण ठरत आहे.
दरम्यान, काही स्थानिक नागरिक व संबंधित व्यक्तीच्या ओळखीच्या व्यक्तींमार्फत त्याला समजावण्याचा प्रयत्न केला जात आहे. तरीही तो खाली उतरायला तयार नसल्याने प्रशासनाचे प्रयत्न निष्फळ ठरत असल्याचे चित्र आहे. या घटनेमुळे अंकुश चौक परिसरातील वाहतुकीवर परिणाम झाला असून, पोलिसांनी काही मार्गांवर तात्पुरते निर्बंध लागू केले आहेत.
याशिवाय, भक्ती-शक्ती चौक ते त्रिवेणीनगर या मार्गावर मोठी वाहतूक कोंडी निर्माण झाली आहे. नागरिकांनी घटनास्थळी गर्दी न करता प्रशासनाला सहकार्य करावे, असे आवाहन करण्यात आले आहे.
Web Summary : A man climbed an electricity tower in Rupinagar, Nigdi, causing tension. Despite efforts by police, fire brigade, and MSEDCL officials, he refuses to come down. Traffic is affected, and authorities are struggling with the challenging rescue operation. Citizens are requested to cooperate and avoid crowding.
Web Summary : निगडी के रूपनगर में एक आदमी बिजली के टॉवर पर चढ़ गया, जिससे तनाव फैल गया। पुलिस, दमकल और महावितरण के अधिकारियों के प्रयासों के बावजूद, वह नीचे उतरने से इनकार कर रहा है। यातायात प्रभावित है, और अधिकारी बचाव कार्य में जुटे हैं। नागरिकों से सहयोग करने का अनुरोध किया गया है।