सुनेवर खुनी हल्ला करून सासऱ्याची घराच्या छतावरून उडी मारून आत्महत्या
By ऑनलाइन लोकमत | Published: May 21, 2022 01:22 PM2022-05-21T13:22:38+5:302022-05-21T14:53:26+5:30
मयत वृद्धांविरोधात गुन्हा दाखल...
सुनेवर खुनी हल्ला करून सासऱ्याची घराच्या छतावरून उडी मारून आत्महत्या
Next पिंपरी : वृद्धाने हत्याराने डाेक्यावर मारहाण करून सुनेच्या खुनाचा प्रयत्न केला. त्यानंतर त्याने घराच्या छतावरून उडी मारून आत्महत्या केली. सासऱ्याने केलेल्या या हल्ल्यात सून गंभीर जखमी झाली. बेलठिकानगर, थेरगाव येथे शुक्रवारी (दि. २०) दुपारी अडीचच्या सुमारास ही घटना घडली.
सूर्यकांत मारूती वनवे (वय ७४) , असे आत्महत्या झालेल्या वृद्धाचे नाव आहे. मयत सूर्यकांत वनवे यांचा मुलगा सुशील सूर्यकांत वनवे (वय ३८, रा. बेलठिकानगर, थेरगाव) यांनी याप्रकरणी शुक्रवारी (दि. २०) वाकड पोलीस ठाण्यात फिर्याद दिली. त्यानुसार मयत सूर्यकांत वनवेे यांच्या विरोधात पोलिसांनी गुन्हा दाखल केला.
पोलिसांनी दिलेल्या माहितीनुसार, फिर्यादी सुशील यांचे वडील मयत सूर्यकांत यांनी फिर्यादीच्या पत्नीला जीवे ठार मारण्याच्या उद्देशाने कोणत्यातरी हत्याराने मारहाण केली. यात फिर्यादी सुशील यांची पत्नी गंभीर जखमी झाली. त्यानंतर फिर्यादीचे वडील सूर्यकांत यांनी त्यांच्या स्वत:च्या घराच्या छतावरून उडी मारून आत्महत्या केली.
याबाबत माहिती मिळताच पोलिस घटनास्थळी दाखल झाले. फिर्यादी सूशील यांची पत्नी यात गंभीर जखमी झाल्याने त्यांना उपचारासाठी रुग्णालयात दाखल करण्यात आले. सहायक पोलीस निरीक्षक बालाजी ठाकूर तपास करीत आहेत.