Travel : 'या' देशात भारतीय रुपया आहे किंग! १०००० घेऊन जाल तर होतील १.६ लाख; फूड, शॉपिंग सगळ्यासाठी बेस्ट

असे काही देश आहेत, जिथे भारतीय रुपयाची किंमत मोठी आहे. त्यामुळे अशा देशांमध्ये फिरणे देखील बजेट फ्रेंडली होते.

परदेशात फिरायला जायचं म्हटलं की सगळ्यात पहिला प्रश्न उभा राहतो, तो म्हणजे होणारा खर्च. परदेशवारी म्हणजे महागच पडणार, असा सर्वसामान्य लोकांचा विचार असतो. मात्र, असे काही देश आहेत, जिथे भारतीय रुपयाची किंमत मोठी आहे. त्यामुळे अशा देशांमध्ये फिरणे देखील बजेट फ्रेंडली होते. भारतीय रुपया जिथे किंग आहे अशा देशांच्या यादीत दक्षिण कोरिया हा देश देखील सामील आहे.

के-पॉप, के-ड्रामा आणि तिथल्या वेगवेगळ्या ठिकाणांसाठी प्रसिद्ध असलेला दक्षिण कोरिया हा देश फिरण्यासाठी देखील खिशाला परवडणारा आहे. या देशात तुम्ही १०००००च्या बजेटमध्ये ५ ते ७ दिवसांची ट्रीप सहज करू शकता. दक्षिण कोरियामध्ये कोरियन वॉन हे चलन वापरले जाते. भारतातील १ रुपया म्हणजे १६.४२ कोरियन वॉन आहेत. याचाच अर्थ जर तुम्ही १०००० भारतीय रुपये घेऊन जाल, तर ते तिथे जाऊन तब्बल १,६४,२०० कोरियन वॉन होतील. यात तुम्ही तिथे राहणे, खाणे आणि करू शकता.

दक्षिण कोरियाला जाण्यासाठी ३५००० ते ५००००च्या बजेटमध्ये रिटर्न विमानाची तिकीट काढता येते. तर, या देशाचा व्हिसा साधारण ३२०० ते ४५०० रुपयांपर्यंत जातो. या देशात जाण्यासाठी व्हिसा प्रक्रिया आधीच पूर्ण करावी लागते. विमान तिकीट आणि व्हिसासह तुम्ही या देशात प्रवेश करू शकता. इतकंच नाही तर इथे राहणे आणि फिरणे देखील खूप स्वस्त आहे.

दक्षिण कोरियाच्या सोल किंवा बुसानसारख्या महागड्या शहरांमध्येही बजेट हॉस्टेल किंवा गेस्ट हाऊसेसमध्ये एका रात्रीचा खर्च साधारणतः ₹१,२०० ते ₹२,००० असतो. ही किंमत कोरियन चलनात बदलल्यास ती जवळपास १६,००० वॉन होते. रुपयाच्या ताकदीमुळे स्वस्त दरात उत्तम निवास व्यवस्था उपलब्ध होते.

कोरियातील उत्कृष्ट आणि चविष्ट स्ट्रीट फूड (उदा. Tteokbokki, Gimbap) साधारणपणे ₹१०० ते ₹३०० मध्ये उपलब्ध होते. तर, बिबिम्बापसारखे पारंपरिक कोरियन जेवण देखील ४०० ते ६०० रुपयांत मिळू शकते. म्हणजेच, आपण कमी पैशांत अस्सल कोरियन पदार्थांचा आस्वाद घेऊ शकता. ५ दिवसांच्या खाण्याचा खर्च ५-६ हजार रुपये असू शकतो.

दक्षिण कोरियाची सार्वजनिक वाहतूक प्रणाली जागतिक स्तरावर उत्कृष्ट मानली जाते. 'T-Money' कार्ड वापरून मेट्रो किंवा बसचा प्रवास एका वेळी फक्त ₹८० ते ₹१२० मध्ये होतो. ऐतिहासिक ग्योंगबोकगंग पॅलेस किंवा युनेस्कोच्या जागतिक वारसा स्थळांच्या प्रवेशासाठी लागणारे शुल्क देखील माफक असते. परिणामी, शहरांमध्ये फिरण्याचा आणि महत्त्वाच्या स्थळांना भेट देण्याचा एकूण खर्च नियंत्रणात राहतो.

दक्षिण कोरियाला जात असाल, तर ग्योंगबोकगंग पॅलेस, बुकचॉन हॅनॉक व्हिलेज, नॅमसान टॉवर, कोएक्स मॉल, स्टारफिल्ड लायब्ररी, हॅउन्डे बीच, बुसान फिश मार्केट, गमचिऑन कल्चर व्हिलेज, तेअजोंगदे पार्क, ग्वांग्गाली बीच, हान नदी, डायमंड ब्रिज, डोंगडेमुन डिझाईन प्लाझा या ठिकाणांना नक्की भेट देण्याचा प्रयत्न करा.