तब्बल दोन लाखांचा 'हा' स्मार्टफोन लाँच, फिचर्स पाहून तुम्हीही व्हाल थक्क!

1 / 9

Huawei ने बहुप्रतीक्षित Huawei Mate X हा आपला 5G फोल्डेबल स्मार्टफोन मोबाईल वर्ल्ड काँग्रेसमध्ये लाँच केला आहे. तब्बल दोन लाखांहून अधिक किंमत असलेल्या Huawei Mate X या स्मार्टफोनची खासियत जाणून घेऊया.

2 / 9

Huawei Mate X ओपन केल्यानंतर यामध्ये 8 इंचाचा रॅपअराउंड OLED टॅबलेट डिस्प्ले दिसतो. तर हा स्मार्टफोन बंद केल्यानंतर 6.6 इंच स्क्रीन असलेल्या स्मार्टफोनमध्ये बदलतो. फोल्ड केल्यानंतर या स्मार्टफोनमध्ये 2480x1148 पिक्सलसोबत 6.6 इंचाचा मेन डिस्प्ले दिसतो.

3 / 9

अनफोल्ड कंडीशनमध्ये या स्मार्टफोनमध्ये 2480x2200 पिक्सलसोबत 8 इंचाचा मेन डिस्प्ले दिसणार आहे. तर फोल्ड केल्यानंतर Huawei Mate X चा रियर डिस्प्ले 6.4 इंचाचा होतो.

4 / 9

हुवावे मेट एक्समध्ये 55 वॅटच्या फास्ट चार्जिंग सपोर्टसह 4,500 mAh बॅटरी देण्यात आली आहे. या स्मार्टफोनची बॅटरी केवळ अर्ध्या तासात 85 टक्के चार्ज होते असा दावा कंपनीने केला आहे.

5 / 9

Huawei चा 5G फोल्डेबल स्मार्टफोन Huawei Mate X हा Kirin 980 प्रोसेसरसह देण्यात आला आहे. स्मार्टफोनसाठी वापरण्यात आलेला प्रोसेसर स्मार्टफोनचा परफॉर्मन्स अधिक स्मूथ करण्याचा प्रयत्न करतो.

6 / 9

5G स्पीडसाठी हुवावे मेट एक्समध्ये बलॉन्ग 5000 5G मॉडेम देण्यात आले आहे. 5G नेटवर्क मिळाल्यावर हा स्मार्टफोन फक्त 3 सेकंदात 1जीबीचा कन्टेंट सहज डाउनलोड करू शकतो.

7 / 9

Huawei Mate X या स्मार्टफोनमध्ये देण्यात आलेल्या कॅमेऱ्याबाबत अधिक माहिती अद्याप कंपनीच्या वतीने देण्यात आलेली नाही. या स्मार्टफोनमध्ये फ्रंट कॅमेरा देण्यात आलेला नाही. फोनमध्ये रियर ट्रिपल कॅमेरा सेटअप देण्यात आल्याची माहिती मिळत आहे.

8 / 9

Huawei Mate X या स्मार्टफोनमध्ये 8जीबी रॅम आणि 512जीबी इंटरनल स्टोरेज देण्यात आले आहे.

9 / 9

हुवावे मेट एक्सची किंमत तब्बल 2,299 यूरो म्हणजेच जवळपास 2,09,400 रुपये आहे. यावर्षी जूनमध्ये Huawei Mate X या स्मार्टफोनच्या विक्रीला सुरुवात होण्याची शक्यता आहे.