सोलापुरात कृषि राज्यमंत्री सदाभाऊ खोत यांच्या गाडीवर दगडफेक

स्‍वाभिमानी शेतकरी संघटनेच्या कार्यकर्त्यांनी कृषि राज्यमंत्री सदाभाऊ खोत यांच्या कारवर दगडफेक केली.

दगडफेकीत सदाभाऊ खोत यांची कार फोडण्यात आली. कुर्डूवाडीजवळील रिधोर गावाजवळील ही घटना आहे.

शेतकर्‍यांच्या समस्येत वाढ होत असताना, राज्यातील शेतकरी कर्जाला कंटाळून आत्‍महत्या करत असल्याच्या अशा विविध कारणांमुळे संतापलेल्या स्वाभिमानी शेतकरी संघटनेच्या कार्यकर्त्यांनी अशा पद्धतीनं आंदोलन केले.

यावेळी खोत यांना काळे झेंडे दाखवून त्यावर गाजर, तूर व मका फेकून निषेध व्यक्त करण्यात आला. पंढरपूरहून बार्शीकडे जाताना ही घटना घडली आहे.