Bhumi Pednekar : "तू माझी हिरो..."; आईच्या शौर्याला भूमी पेडणेकरचा कडक सॅल्यूट! अभिमानाने मिरवली आईची पदकं

Bhumi Pednekar : बॉलिवूड स्टार भूमी पेडणेकरने यंदाचा प्रजासत्ताक दिन ग्लॅमरच्या दुनियेपासून दूर राहून एका वेगळ्या अंदाजात साजरा केला.

बॉलिवूड स्टार भूमी पेडणेकरने यंदाचा प्रजासत्ताक दिन ग्लॅमरच्या दुनियेपासून दूर राहून एका वेगळ्या अंदाजात साजरा केला. 'आसाम रेजिमेंटल सेंटर'मध्ये अधिकारी आणि प्रशिक्षण घेणाऱ्या अग्निवीरांच्या सोबत वेळ घालवला.

भूमीने याच निमित्ताने तिच्या आयुष्यातील सर्वात प्रभावशाली महिला म्हणजेच तिच्या आईचा विशेष सन्मान केला. हा दिवस अविस्मरणीय ठरला तो केवळ त्या ठिकाणामुळे किंवा प्रसंगाने नाही, तर भूमीच्या विचारपूर्वक केलेल्या फॅशन निवडीमुळे.

ईशान्य भारताचा वारसा आणि स्वतःच्या कुटुंबाचा इतिहास यांचा मेळ घालणारा पेहराव केला होता. तिने आपल्या आईने कष्टाने मिळवलेली पदकं आपल्या पेहरावाचा भाग म्हणून लावली होती, ज्यामुळे तिची स्टाईल लक्षात राहिली.

या खास प्रसंगासाठी भूमीने काळ्या रंगाचा हाय-नेक टॉप आणि त्यावर राखाडी रंगाचं टेलर्ड ब्लेझर परिधान केलं होतं. या आधुनिक लूकला पारंपारिक जोड देण्यासाठी तिने लाल रंगाचा रेशमी 'आसामी रॅप स्कर्ट' परिधान केला होता, ज्यावर सोन्याच्या धाग्यांनी विणलेली नक्षी होती.

हा पेहराव आसामच्या समृद्ध वस्त्रपरंपरेची साक्ष देत होता. सर्वात लक्षवेधी तपशील तिच्या ब्लेझरवर पदकं होती. भूमीने तिच्या आईला एनसीसी (NCC) काळात मिळालेली पदकं लावली होती, ज्यात पॅराट्रूपिंग आणि प्रजासत्ताक दिन संचलनातील पदकांचा समावेश होता.

इन्स्टाग्राम पोस्टमध्ये लिहिताना भूमी म्हणाली, "माझ्या आईने एनसीसीमध्ये असताना जिंकलेली पदकं परिधान करण्यासाठी यापेक्षा चांगला क्षण दुसरा कोणताही असू शकत नाही. आई, तू माझी हिरो आहेस."

हे ठिकाण तिच्यासाठी इतके खास का होते, हे सांगताना व्हिडिओमध्ये ती म्हणाली, "आजचा दिवस माझ्यासाठी खूप खास आहे. माझी आई तिच्या एनसीसीच्या दिवसांतील आठवणी मला नेहमी सांगायची आणि आज मी इथे आसाम रेजिमेंटल सेंटरमध्ये आहे."

"आम्ही इथे अग्निवीरांसाठी आयोजित केलेला एक अतिशय सुंदर कार्यक्रम पाहिला. आईची ही पदकं परिधान करण्यासाठी मला यापेक्षा दुसरी कोणतीही योग्य जागा वाटली नाही." भूमीने त्या पदकांमागच्या थक्क करणाऱ्या गोष्टीही सांगितल्या.

ती म्हणाली, "हे पदक तिला पॅराट्रूपिंगसाठी मिळालं आहे. तिने यात सुवर्णपदक जिंकलं होतं आणि असं करणारी ती सुरुवातीच्या काही महिलांपैकी एक होती. माझ्या आईने प्रत्यक्षात विमानातून उडी मारली होती आणि तिने विमान चालवले देखील होते.

"भूमीने पुढे असंही सांगितले की, तिच्या आईने दोनदा प्रजासत्ताक दिन संचलनात सहभाग घेतला होता, अशा काळात जेव्हा महिलांसाठी सशस्त्र दलात संधी अत्यंत मर्यादित होत्या.

भूमीने पुढे असंही सांगितले की, तिच्या आईने दोनदा प्रजासत्ताक दिन संचलनात सहभाग घेतला होता, अशा काळात जेव्हा महिलांसाठी सशस्त्र दलात संधी अत्यंत मर्यादित होत्या.