उन्हाळ्यात प्रोटीनचा स्वस्तात मस्त खजिना, 'हे' पदार्थ प्या- प्राेटीन्सची कमतरता चटकन भरून निघेल..

बहुतांश लोकांच्या शरीरात प्रोटीन्सची कमतरता असते. ती भरून काढण्यासाठी मग बाजारात विकत मिळणारे प्रोटीन शेक प्यायले जातात.

पण खरंतर उन्हाळ्याच्या दिवसांत आपण असे काही पदार्थ नियमितपणे पिऊ शकते जेणेकरून शरीरातली प्रोटीन्सची कमतरताही भरून निघेल आणि शिवाय उन्हाळ्यात शरीर थंड राहण्यासही मदत होईल.

यापैकी एक म्हणजे सातूचे पीठ. सातूच्या पिठामध्ये हरबरा डाळ असते. त्यामुळे त्यातून चांगल्या प्रमाणात प्रोटीन्स मिळतात.

मठ्ठा किंवा ताक उन्हाळ्यात दुपारच्यावेळी आवर्जून प्यायला हवे. कारण त्यामुळे शरीर थंड राहण्यास तर मदत होतेच, पण काही प्रमाणात प्रोटीनही मिळतात.

उन्हाळ्यात दह्यापासून वेगवेगळ्या फ्लेवरच्या लस्सी केल्या जातात. त्यातून दही आणि दूध हे दोन्ही प्रोटीनयुक्त पदार्थ मिळतात.

उन्हाळ्यात शरीराला थंडावा मिळण्यासाठी कित्येक जण गारेगार बदाम शेक पितात. बदाम आणि दूध हे दोन्हीही प्रोटीन्सचे चांगले स्त्रोत आहेत.

सोयाबीन हा प्रोटीनचा एक चांगला स्त्रोत आहे. त्यामुळे उन्हाळ्यात अधूनमधून थंडगार सोया मिल्क प्यायला हरकत नाही.