पालकाचे ६ पदार्थ करा, पालक आवडत नाही म्हणणारेही खातील आवडीने! पोषण आणि चव दोन्ही मस्त

Make 6 spinach dishes, tasty and healthy food, must try , easy food recipes : पालकाच्या सोप्या रेसिपी नक्की करुन पाहा. चवीला छान आणि आरोग्यासाठी एकदम भारी. पौष्टिक खा पोटभर.

पालकाची भाजी फार पौष्टिक असते. पालकात लोह असते तसेच अनेक जीवनसत्वे असतात. कॅल्शियम असते. पालकाची भाजी त्वचा, हाडे, पचन सगळ्यासाठीच चांगली असते.

पालकाचे विविध पदार्थ करता येतात. पालक लवकर शिजतो तसेच पालकाचे पदार्थ करायलाही अगदी सोपे असतात. आहारात पौष्टिक आणि चविष्ट दोन्ही गुण असणारे पदार्थ असावेत. त्यासाठी पालक एकदम मस्त भाजी आहे.

पालकाची भाजी तर सगळेच करतात. पालक पनीर फार पौष्टिक आणि चविष्ट असा पदार्थ आहे. पालकाची पातळ भाजी केली जाते. तसेच डाळ घालून पालकाची केलेली भाजी मस्त लागते.

पालकाचे वरण आणि त्यावर लसणाची फोडणी म्हणजे आहाहा!! एकदम मस्त लागते. गरमागरम भातावर तूप आणि पालकाचे वरण घ्यायचे. पावसाळ्यात नक्की करुन पाहा.

पालकाची भाजी केली जाते आणि भजीही. पालकाची भजी करायला तर एकदम सोपी आहे. छान कुरकुरीत होते. अख्खे पानही तळता येते, तसेच पालक चिरुन त्याची बोंडा भजीही करता येते.

नाश्त्यासाठी पालक पराठा करु शकता. झटपट होते आणि पोटभरीचा पदार्थ आहे. लहान मुलांच्या डब्यासाठी अगदी पौष्टिक आहे. मुलांना पालेभाज्या खाऊ घालण्यासाठी पराठा हा एकदम मस्त पर्याय आहे.

लसूणी पालक कधी खाल्ला का? फक्त भरपूर लसूण, पालक आणि लाल तिखट या पदार्थांच्या मिश्रणातून तयार होणारा हा कमालीचा पदार्थ भाकरी, भात, पोळी सगळ्यासोबत मस्तच लागतो.

पालकाचे कुरकुरीत चिप्सही करता येतात. त्यासाठी मैदा, तांदळाचे पीठ वापरता येते. पालकाचा रस काढून पीठात घालायचा आणि पीठ मळून त्याचे तुकडे करुन तळून घ्यायचे. चहासोबत खाण्यासाठी एकदम मस्त पदार्थ आहे.