Happy Birthday Deepika Padukone: बॉलिवूडच्या मस्तानीची चाळिशी, पाहा दीपिका पादुकोणविषयी ५ अननोन भन्नाट गोष्टी..
By लोकमत न्यूज नेटवर्क | Updated: January 5, 2026 15:18 IST2026-01-05T15:14:54+5:302026-01-05T15:18:25+5:30
Kannada movie debut: Deepika Padukone age 40: Deepika Padukone life story: दीपिकाच्या आयुष्यातील अशाच काही कमी माहित असलेल्या गोष्टी जाणून घेऊया.
बॉलीवूड क्वीन, मस्तानी म्हणून ओळखली जाणारी दीपिका पादुकोण ४० वर्षांची झाली आहे. सौंदर्य, अभिनय आणि व्यक्तिमत्त्व यांचा सुंदर संगम असलेली दीपिका आज जागतिक स्तरावर भारताचं प्रतिनिधित्व करते.
चाळीशी गाठली तरी दीपिकाचा आत्मविश्वास, फिटनेस आणि कामावरील प्रेम आजही तरुणांना प्रेरणा देणारं आहे. दीपिकाच्या आयुष्यातील अशाच काही कमी माहित असलेल्या गोष्टी जाणून घेऊया.
दीपिका पादुकोनने हिंदी चित्रपटातून नाही तर कन्नडमधून कामाला सुरुवात केली. २००६ मध्ये कन्नड चित्रपट ऐश्वर्या मधून केली होती. या चित्रपटातून तिला पहिली ओळख मिळाली.
दीपिकाचे वडील प्रकाश पादुकोण हे भारतातील दिग्गज बॅडमिंटनपटू आहेत. त्यामुळे दीपिकाही राष्ट्रीय स्तरावर बॅडमिंटन खेळत होती. मात्र पुढे तिने अभिनय करण्याचे ठरवले.
बॉलीवूडमध्ये पदार्पण करण्याआधी दीपिका पादुकोण भारतातील टॉप मॉडेल्सपैकी एक होती. अनेक प्रसिद्ध ब्रँड्स, फॅशन शो आणि कॅलेंडर शूटमधून तिने स्वत:चे नाव कमावलं होतं.
मध्यंतरीच्या काळात तिला नैराश्याचा सामना करावा लागला. मानसिक आरोग्याविषयी समाजात जागरुकता निर्माण करण्यासाठी तिने Live Love Laugh Foundation ची सुरुवात केली.
दीपिकाने XXX: Return of Xander Cage या हॉलीवूड चित्रपटातून आंतरराष्ट्रीय स्तरावरही आपली छाप पाडली. आज ती ग्लोबल ब्रँड्सची पहिली पसंती आहे.