चुकूनही चेहऱ्याला लावू नका 'हे' पदार्थ, त्वचा खराब होऊन ऐन तारुण्यातच दिसाल म्हाताऱ्या

त्वचेची काळजी घेण्यासाठी हल्ली बऱ्याच गोष्टींचा अतिरेक केला जात आहे. पण त्यामुळे बऱ्याचदा त्वचेला फायदा होण्याऐवजी नुकसानच होत आहे.

हे टाळायचं असेल तर त्वचेला कोणत्या प्रकारचे कॉस्मेटिक्स किंवा घरगुती पदार्थ मुळीच लावू नयेत, याविषयीची माहिती स्किन केअर एक्सपर्टनी amuktamuk या पेजवर शेअर केली आहे.

यातली पहिली गोष्ट म्हणजे चेहऱ्याला स्क्रबिंग करा. पण खूप खरखरीत असणारे पदार्थ त्वचेवर लावू नका. कारण त्यामुळे त्वचेचं खूप नुकसान होतं.

कोणत्याही प्रकारचे ॲसिड ज्यामध्ये असतील ते पदार्थ किंवा क्रिम त्वचेला लावणं टाळायला हवं. यामध्ये लिंबाचा अतिरेकी वापरही करू नये. तुम्ही सतत लिंबू त्वचेला लावलं तर त्वचेचं नक्कीच नुकसान होणार.

हल्ली स्किन केअर रुटीनच्या नावाखाली त्वचेवर कित्येक वेगवेगळे कॉस्मेटिक्स चोपडले जातात. त्याची खरंच काही गरज नसते. त्याचे भलतेच परिणाम त्वचेवर होऊ शकतात.

ज्यांना खूप सुगंध असतो ते कॉस्मेटिक्सही तुमच्या त्वचेसाठी फारसे चांगले नसतात. सुगंध असला की त्यात केमिकल्स असतात आणि ते तुमच्या त्वचेसाठी त्रासदायकही ठरतात.