अयोध्येत राम मंदिराच्या कामाला गती, RCC तंत्रज्ञानाने होतेय पायाभरणी

अयोध्येत सुरू असलेल्या राम मंदिराच्या कामासंदर्भात श्री राम जन्मभूमीच्या अधिकृत ट्विटर अकाऊंटवरुन माहिती देण्यात आली आहे. तसेच, पायाभरणीच्या कामाचे फोटोही शेअर करण्यात आले आहेत.

अयोध्येतील प्रभू श्रीरामांचे मंदीर उभारण्यासाठी मंदीर ट्रस्टकडून गतीमान हालचाली सुरू आहेत. मंदीर उभारणीसाठी फंड जमा करण्यापासून ते मंदीराचा विस्तार किती एकर जागेवर करायचा, इथपर्यंत सर्वकाही विचाराधीन आहे.

येथील राम मंदिराचा विस्तार आता 70 एकरवरुन 107 एकरपर्यंत वाढविण्यात आला आहे. त्यासाठी, राम जन्मभूमी तिर्थक्षेत्रने राम जन्मभूमी परिसरात 7,285 वर्ग फूट जमीन खरेदी केली आहे.

या जमिनीच्या खरेदीसाठी 1373 रुपये प्रति वर्ग फूटच्या दराने एक कोटी रुपयेही देण्यात आले आहेत.

श्रीराम मंदिराच्या निर्माणासाठी आम्हाला आणखी जमीन आवश्यक आहे, त्यामुळे ही जमीन खरेदी करण्यात आल्याचे ट्र्स्टी अनिल मिश्रा यांनी सांगितले होते.

अशरफी भवनजवळ ही जमीन आहे. फैजाबादचे उप-विभागीय एसबी सिंह यांनी सांगितले की, जमिनीचे मालक दीप नरैन यांनी ट्रस्टचे सचिव चंपत राय यांच्याकडे 7285 वर्ग फूट जमिनीच्या दस्तावेजची नोंदणी केली आहे.

20 फेब्रुवारी रोजी हस्ताक्षरही झाले. मिश्रा आणि अपना दल पक्षाचे आमदार इंद्र प्रताप तिवारी यांनी साक्षीदार म्हणून स्वाक्षरीही केली. फैजाबादच्या उप-विभागीय नोंदणी कार्यालयात एसबी सिंह यांच्यासमोरच हा कागद करण्यात आला.

अयोध्येतील श्री राम मंदिराच्या पायाभरणीच्या कामाला गतीमान सुरुवात झाली आहे. गेल्या अनेक दिवसांपासून मंदिराच्या पायाभरणीसाठी खोदकाम सुरू आहे.

बांधकाम तज्ज्ञांनी दिलेल्या सल्ल्यानुसार मंदिराच्या पायाभरणीचं कामही आरसीसीच्या आधुनिक तंत्रज्ञानाने करण्यात येत आहे. त्यासाठी, मोठी यंत्रणा कामाला लागली आहे.

परिसरातील 1 लाख 20 हजार स्वेअरफूट क्षेत्रात आत्तापर्यंत 4 परत सिमेंट क्राँक्रिटने घेण्यात आले आहेत. विशेष म्हणजे एकूण 45 ते 45 परत उभारण्यात येणार आहे.

अयोध्येतील राम मंदिराच्या कामासंदर्भात श्री राम जन्मभूमीच्या अधिकृत ट्विटर अकाऊंटवरुन माहिती देण्यात आली आहे. तसेच, पायाभरणीच्या कामाचे फोटोही शेअर करण्यात आले आहेत.