Politics: "क्षण आनंदाचा, सण नात्यांचा" ठाकरे कुटुंबाकडून दिवाळीच्या खास शुभेच्छा! फोटो व्हायरल

Uddhav Thackeray- Raj Thackeray Meet: महाराष्ट्राच्या राजकीय वर्तुळात गेल्या अनेक वर्षांपासून चर्चेचा विषय असलेल्या ठाकरे बंधूंची भेट पुन्हा एकदा झाली.

महाराष्ट्राच्या राजकारणात नेहमीच चर्चेत राहणारे ठाकरे बंधू – शिवसेना उबाठा पक्षप्रमुख उद्धव ठाकरे आणि मनसे अध्यक्ष राज ठाकरे – पुन्हा एकदा एकत्र आले आहेत.

राज ठाकरे यांनी आयोजित केलेल्या दीपोत्सवाच्या उद्घाटनासाठी उद्धव ठाकरे हे आपल्या पत्नी आणि कुटुंबासोबत राज ठाकरेंच्या निवासस्थानी दाखल झाले.

राजकीय मतभेद बाजूला ठेवून, आदित्य ठाकरे आणि अमित ठाकरे यांनी यावेळी अत्यंत खेळीमेळीच्या वातावरणात संवाद साधला.

गेल्या काही महिन्यांपासून दोन्ही कुटुंबांमधील वैयक्तिक भेटीगाठी वाढल्या आहेत, अशात आदित्य आणि अमित यांनी आपल्या कुटुंबातील इतर सदस्यांसोबतचा एकत्र फोटो दोन्ही पक्षांच्या कार्यकर्त्यांसाठी आणि मराठी भाषिक नागरिकांसाठी अत्यंत सकारात्मक संदेश देणारा ठरला.