By ऑनलाइन लोकमत | Updated: February 18, 2026 12:50 IST
1 / 9Ajit Pawar Plane Crash : दिवंगत उपमुख्यमंत्री अजित पवार यांच्या विमानाचा अपघाताचा तपास करण्याची मागणी राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी केली. त्यांनी आज पत्रकार परिषद घेऊन मोठे दावे केले. 2 / 9अजित पवारांच्या अपघाताचा जी यंत्रणा तपास करतेय त्यावर माझा आक्षेप आहे. अतिशय संथ गतीने तपास सुरू आहे. अपघात की घातपात हा मुद्दा अजूनही कायम राहतो, व्हिएसआर कंपनीवर कारवाई का केली जात नाही?, असा सवालही पवार यांनी केला.3 / 9राजकीय लोक व्हिएसआर कंपनीवर मुद्द्याम कारवाई करत नाहीत, कारण त्यांचे काही संबंध आहेत. अजित पवार सत्तेत होते राज्यातील मोठे नेते होते. मात्र, तरीही राज्यातील सत्ताधारी शांत आहेत, असेही पवार म्हणाले.4 / 9रोहित पवार म्हणाले, आम्ही पाहत होते की व्हीएसआर कंपनीवरती कारवाई का होत नाही? याच्या खोलात गेल्यानंतर आम्हाला कळालं की, रोहित सिंग जो व्ही. के. सिंगचा जो मुलगा आहे, भारी भारी गाड्या त्याच्याकडे आहेत. पाच स्पोर्टस कार आहेत, एका एका गाडीची किंमत ७ कोटी आहेत, त्याच्या एकूण ३५ कोटींच्या गाड्याच आहेत. मुंबईचं त्यांचं जे डेलचं गेस्ट हाऊस आहे, तिथे दोन तीन गाड्या लावलेल्या आहेत. बाकी कुठे आहेत माहिती नाही.5 / 9'रोहित सिंगचं लग्न दीड ते दोन वर्षांपूर्वी होतं, मेरीयेट हॉटेलला जयपुरला राजस्थामध्ये, तिथे कोण कोण गेलं होतं, काहीचे फोटो आहेत, पण ते आम्ही वापरणार नाही, काही लोक जातात लग्नाला, आमचं हे म्हणणं नाही की घातपात करणारे लोक तिथे गेले होते, असं आमचं म्हणणं नाही, पण व्हीएसआर वरती सखोल तपास का होत नाही, असेही पवार म्हणाले.6 / 9रोहित सिंगच्या लग्नाला महाराष्ट्रातून काही जण गेले होते, नेते होते, माजी मंत्री होते, काही राज्यातील देखील गेले होते, एक राज्यातील नेते आम्हाला कळले आहेत, आंध्राचे प्रमुख टीडीपी पक्षाचे प्रमुख नेते ते कोण मी सांगणार नाही, मला माहिती आहेत. व्हीएसआरच्या मालकाच्या मुलाच्या लग्नाला ते राजस्थानला गेले होते, तुम्ही तिथं राजस्थानला लग्नाला जाता, आज जेव्हा व्हीएसआर कंपनीवर ऑब्जेक्शन घ्यायचं असतं, ते जे ऑपरेशन बंद करायचे असतात तेव्हा टीडीपी पक्षाचे मंत्री विमान वाहतूक मंत्री यांनी विमान कंपनीला वाचवण्याचा प्रयत्न केला, असा मोठा दावा रोहित पवार यांनी केला.7 / 9अजितदादांचा अपघात की घात झाल्यापासूनही राज्याचे मंत्री व्हीएसआरने प्रवास करत आहेत, इतर राज्यामध्ये देखील व्हीएसआर चालू आहे, सत्तेतील काही मोठे नेते व्हीएसआरच्या मालकाशी निगडीत आहेत, त्यांचे व्यवसाय आहेत, सत्तेतील लोकांच्या जवळचा तो माणूस आहे, म्हणून याचा सखोल तपास होत नाही, असा आरोप रोहित पवार यांनी केला.8 / 9'टीडीपीचे नेते रोहित सिंगच्या लग्नाला जात असतील, त्याचबरोबर टीडीपीचा नेते जर विमान वाहतूक मंत्री असेल, आणि व्हीएसआर कंपनी आत्तापर्यंत बंद होत नाही, त्याचे ऑपरेशन सुरू राहतात, कागदपत्रांची पुनर्संरचना आणि हाताळणी होते, असं आमचं म्हणणं आहे, हैद्राबादचा बडा नेताही व्हिएसआरच्या मालकाशी निगडीत आहेत. तो रोहित सिंग कुठे आहे, तो भारतात नाही, अपघातानंतर तो मायामी येथे गेला, असा धक्कादायक आरोप पवारांनी केला.9 / 9रोहित सिंग याची दुबईमध्ये देखील कंपनी आहे, अमेरिकेतही त्याची कंपनी आहे, आता ही सगळी विमाने दुबई अमेरीकेच्या कंपनीत ट्रान्सफर केली जात आहेत, ज्या विमानामुळे अपघात, घात झाला, त्याचा मालक आज येथे नाही, त्याला बाहेरच्या देशात जाण्यासाठी कोणी मदत केली, सखोल तपास करून मालकाला ताब्यात घेऊन तपास करायला हवा होता, पण तसे झाले नाही, असंही रोहित पवार म्हणाले.