Lockdown नंतर उघडलं सलून, पुढच्या काही तासांमध्येच लखपती झाली हेअर स्टायलिस्ट...

मात्र, आता प्रत्येक देशात लॉकडाउनमध्ये काही सूट देण्यात येत आहे. ज्यामुळे सलूनही सुरू झाले आहेत.

कोरोना व्हायरसचं संक्रमण रोखण्यासाठी भारतासहीत जगभरातील जास्तीत जास्त देशांमध्ये लॉकडाऊन आहे. त्यामुळे अत्यावश्यक वस्तूंचे सोडून वेगवेगळे व्यवसायही बंद आहेत. अर्थातच यामुळे लोकांना अडचणींचा सामना करावा लागत आहे.

मात्र, आता प्रत्येक देशात लॉकडाउनमध्ये काही सूट देण्यात येत आहे. ज्यामुळे सलूनही सुरू झाले आहेत. अमेरिकेत सलून सुरू झाले असून एका सलूनची मालकीन काही तासांमध्येच लखपती झाली.

अमेरिकेतील कोलोराडो राज्यात लॉकडाउननंतर पुन्हा एकदा सलून सुरू झाले. अशात एका सलूनची मालकीन आणि हेअर स्टायलिस्ट इलिसिया नोवोटनी दुकानात ग्राहकांची वाट बघत होत्या.

दरम्यान दिवसा साधारण 1 वाजता एक ग्राहक त्यांच्या सलूनमध्ये आला आला आणि केस कापल्यावर त्याने टिप म्हणून महिलेला अडीच हजार दिले. आणि तिथून निघून गेला.

नोवोटनीने सांगितले की, ती अनेक दिवसांपासून दुकान उघडण्याची वाट बघत होती. सलून उघडल्यावर एक फारच सामान्य ग्राहक केस कापायला आला आणि त्यानंतर तो रक्कम देऊन गेला.

इतकेच नाही तर महिलेने सांगितले की, त्या व्यक्तीने मॅनेजरला एक हजार डॉलर, रिसेप्शनिस्टला 500 डॉलरची टीप देऊन गेला. जर ही रक्कम भारतीय करन्सीत बदलली तर 1 लाख 89 हजार रूपयांच्या जवळपास होईल.

महिला हेअरस्टायलिस्टने त्या व्यक्तीला धन्यवाद देत म्हटले की, 'या पैशांची त्यांना फार गरज होती. आम्ही हे सांगू शकत नाही की, हे पैसे आमच्यासाठी किती महत्वाचे आहेत'.