प्रेमाला वयाचं बंधन नसतं! वृद्धावर जडला तरुणीचा जीव; दोघांमध्ये 46 वर्षांचं अंतर, म्हणते...

तरुणीचं वय 29 वर्षे आहे. तर तिचा बॉयफ्रेंड 75 वर्षांचा आहे. दोघांच्या वयात जवळपास 46 वर्षांचा फरक आहे.

प्रेमाला वयाचं बंधन नसतं असं म्हणतात. अशीच एक घटना आता समोर आली आहे. कॅनडातील एका कपलची सोशल मीडियावर जोरदार चर्चा रंगली आहे. त्यामागचं सर्वात मोठं कारण म्हणजे त्या दोघांचं वय.

तरुणीचं वय 29 वर्षे आहे. तर तिचा बॉयफ्रेंड 75 वर्षांचा आहे. दोघांच्या वयात जवळपास 46 वर्षांचा फरक आहे. फॅबिएन लाफेरियेर असं या तरुणीचं नाव असून लोक तिला खूप ट्रोल करतात.

द सनच्या रिपोर्टनुसार, लोक तिला गोल्ड डिगर म्हणतात. असं म्हटलं जातं की ती तिचा प्रियकर डेनिसच्या मरण्याची वाट पाहत आहे, जेणेकरून तिला नंतर त्याचे सर्व पैसे हडप करता येतील.

प्रेजेंटर आणि मॉडेल असलेल्या फॅबिएनची ही अनोखी लव्हस्टोरी एका चॅरिटी इव्हेंटपासून सुरू झाली. जे लहान मुलांसाठी होतं. येथे डेनिसशी ती संध्याकाळपर्यंत बोलत होती.

फॅबिएन ही या कार्यक्रमाची मेन स्पीकर होते. इथे ती डेनिससह अनेक पाहुण्यांना भेटली. डेनिसने तिला त्याचा नंबर दिला.

फॅबिएन म्हणते की, ती डेनिसच्या प्रेमात पडली कारण तो इतरांपेक्षा वेगळा दिसत होता. डेनिस गेल्या 22 वर्षांपासून तरुणींना डेट करत आहे.

फॅबिएन आता तिच्या या बॉयफ्रेंडसोबत फेसबुक लाईव्ह करते. TikTok आणि इतर सोशल मीडिया प्लॅटफॉर्मवर व्हिडीओ शेअर करते. तिच्या इन्स्टाग्रामवर कपलचे अनेक फोटो आहेत.

दोघेही आपल्या करिअरमध्ये यशस्वी आहेत. पण तरीही लोक फॅबिएनबद्दल म्हणतात की ती पैशासाठी डेनिससोबत आहे. पण डेनिस सांगतो की, फॅबिएन स्वतःचा खर्च स्वत:च्या पैशानेच करते.