Pakistan Warship: श्रीलंकेने दगा दिला, बांग्लादेश खाल्ल्या मीठाला जागला; पाकिस्‍तानी युद्धनौकेला बंगाल समुद्रात घुसायचे होते...

1 / 7

चीनमध्ये बनवलेले पाकिस्तानी नौदलाचे सर्वात घातक फ्रिगेट पीएनएस 'तैमूर'ला अंदमान निकोबारजवळून जाणाऱ्या बंगालच्या उपसागरात घुसखोरी करायची होती आणि बांगलादेशात नांगर टाकायचा होता. भारताचा मित्र बांगलादेशने पाकिस्तानी युद्धनौकेला परवानगी नाकारली. यानंतर श्रीलंकेने राहण्याची परवानगी दिली आहे.

2 / 7

बांगलादेशवर सतत टीका करणाऱ्या चीन आणि पाकिस्तानला शेख हसीना सरकारने मोठा धक्का दिला आहे. बांगलादेश सरकारने चीनमध्ये बांधल्या गेलेल्या पाकिस्तानी नौदलाच्या PNS तैमूर या सर्वात घातक युद्धनौकेला चितगाव बंदरात तळ ठोकण्यास परवानगी नाकारली आहे. PNS तैमूर लेझर क्षेपणास्त्रे आणि शक्तिशाली रडारने सज्ज आहे आणि पाकिस्तानच्या नौदलात सामील होण्यासाठी चीनच्या शांघाय येथून कराचीला जात आहे.

3 / 7

बंगालच्या उपसागरातील अंदमान-निकोबारजवळून जात असताना भारतीय नौदलाच्या कारवायांवर केवळ हेरगिरीच नाही तर ताकद दाखवण्यासाठी ही युद्धनौका बांगलादेशातून जावी अशी पाकिस्तान आणि चीनची इच्छा होती, असे मानले जाते. त्याचवेळी बांगलादेशच्या माध्यमातून चीनलाही दाखवायचे होते की भारताला वेठीस धरण्यासाठी केलेली आपली स्ट्रिंग ऑफ पर्ल्सची योजना यशस्वी होत आहे.

4 / 7

वास्तविक, चीन म्यानमारमध्ये बंदर बांधत आहे. चीन म्यानमारच्या लष्करालाही शस्त्रास्त्रांचा पुरवठा करत आहे. त्याचबरोबर बांगलादेशमध्ये बंदर बांधण्यासाठी चीननेही मदत केली आहे. बांगलादेशने चीनकडून मोठ्या प्रमाणावर शस्त्रे आणि युद्धनौका खरेदी केल्या आहेत. भारताचा आणखी एक शेजारी देश श्रीलंकेत चीनचे हेरगिरीचे जहाज येत आहे. भारताच्या विरोधाला न जुमानता चीनचे हेरगिरीचे जहाज हंबनटोटा बंदराकडे सरकत आहे. पाकिस्तान आधीच आर्थिक आणि लष्करी दृष्ट्या चीनचा गुलाम बनला आहे.

5 / 7

हिंदी महासागरात भारताला आपल्याच घरात घेरण्याची चीनची रणनीती बर्‍याच अंशी यशस्वी होताना दिसत आहे. दरम्यान, बांगलादेशने पीएनएस तैमूरला थांबू न देता चीन आणि पाकिस्तान या दोन्ही देशांना मोठा धक्का दिला. बांगलादेशच्या शेख हसीना सरकारने म्हटलं की पाकिस्तानी जहाज 15 ऑगस्टपूर्वी पोहोचू इच्छित आहे आणि आम्ही त्यास परवानगी देऊ शकत नाही.

6 / 7

श्रीलंकेनं या क्षेपणास्त्रं आणि दारूगोळ्यानं सुसज्ज असलेल्या पाकिस्तानी युद्धनौकेला आपल्या बंदरावर थांबण्यास मान्यता दिली. ही युद्धनौका आता १२ ऑगस्टला कराचीला रवाना होईल आणि १५ ऑगस्टला कराचीला पोहोचेल.

7 / 7

पाकिस्तानचे मित्र मलेशिया आणि चीनचं प्राबल्य असलेल्या कंबोडियात सराव करताना देखील ही युद्धनौका दिसून आली आहे. हे जहाज २३ जून रोजी पाकिस्तानी नौदलात सामील झाले होते. हा चीनमध्ये बनवलेला एक प्रकार 054 A/P फ्रीगेट आहे. सध्या चीन पाकिस्तानच्या नौदलासाठी अशी आणखी दोन फ्रिगेट्स बांधत आहे.