भूकंपासह अनेक मोठी संकट येणार, ज्वालामुखीचा उद्रेक, तीव्र हवामान बदल; बाबा वेंगाची २०२६ साठी भविष्यवाणी

२०२६ हे नवीन वर्ष जवळ येत आहे आणि बाबा वेंगांच्या भविष्यवाण्या पुन्हा एकदा चर्चेत आल्या आहेत. त्यांनी २०२६ मध्ये भूकंप, ज्वालामुखीचा उद्रेक, तीव्र हवामान बदल, एआय वर्चस्व, एलियनशी संपर्क, जागतिक आर्थिक संकट आणि रशियातील एका शक्तिशाली नेत्याच्या उदयाचे भाकीत केले होते.

२०२५ हे वर्ष संपत आले आहे. २०२६ हे नवीन वर्ष अवघ्या काही महिन्यांवर येऊन ठेपले आहे. दरवर्षीप्रमाणे २०२५ हे वर्षही जगासाठी अनेक आठवणी सोडून जाईल. जगभरातील काही ज्योतिषींनी २०२६ मध्ये काय घडेल याचे भाकीत केले आहे.

बाबा वेंगा यांनीही काही भाकिते केली आहेत. त्यांची बहुतेक भाकिते खरी ठरल्यामुळे, लाखो लोक त्यांच्या भाकित्यांवर विश्वास ठेवतात.

आता नवीन वर्ष जवळ येत असल्याने, त्यांच्या भाकितांविषयी वादविवाद पुन्हा सुरू झाला आहे. बाबा वेंगा यांनी २०२६ मध्ये भूकंप, ज्वालामुखीचा उद्रेक आणि तीव्र हवामान बदल होण्याची शक्यता भाकीत केली होती. याचा परिणाम जगाच्या भूभागाच्या मोठ्या भागावर परिणाम होईल, असे त्यांनी म्हटले आहे.

बाबा वेंगा यांनी एआय बाबतीतही भविष्यवाणी केली. २०२६ पर्यंत एआय प्रमुख निर्णयांवर, उद्योगांवर आणि अगदी मानवी जीवनावरही वर्चस्व गाजवेल. सध्याच्या एआय प्रगती पाहता, हे भाकित खरे ठरू शकतात असा अनेकांचा युक्तिवाद आहे.

२०२६ मध्ये, नोव्हेंबरमध्ये पृथ्वीच्या वातावरणात प्रवेश करणाऱ्या एका मोठ्या अंतराळयानाद्वारे मानव एलियन्सशी संपर्क साधतील अशी भविष्यवाणी वेंगा यांनी केल्याचे म्हटले जाते.

२०२६ मध्ये रशियामधून एक शक्तिशाली नेता उदयास येईल ज्याला जागतिक शासक किंवा जागतिक घडामोडींचा स्वामी म्हणता येईल, असंही त्यांनी या भाकि‍तामध्ये आहे.

२०२६ मध्ये जागतिक अर्थव्यवस्थेला गंभीर आर्थिक संकट, बँकांचे अपयश आणि अति महागाईचा सामना करावा लागेल असे भाकीत केले होते.

बाबा वेंगा यांनी २०२६ मध्ये सोन्याच्या किमतीत अनपेक्षित बदल होऊ शकतात असे भाकीत केले होते. २०२६ मध्ये चीन मोठ्या प्रमाणात वर्चस्व मिळवेल असे भाकीत केले होते. यामध्ये तैवानवरील नियंत्रण किंवा दक्षिण चीन समुद्रात विस्तार यांचा समावेश असण्याची अपेक्षा आहे.

बाबा वेंगा यांचे १९९६ मध्ये निधन झाले, पण गेल्या काही वर्षांत, त्यांची अनेक भाकिते खरी ठरली आहेत, यामध्ये ९/११ चा हल्ला आणि राजकुमारी डायनाचा मृत्यू यांचा समावेश आहे. त्यांनी २०२५ मध्ये युरोपमध्ये मोठा भूकंप आणि आर्थिक संकट येण्याचीही भविष्यवाणी केली होती. म्यानमारमधील विनाशकारी भूकंप आणि युरोपमध्ये व्यापक अराजकता निर्माण करणाऱ्या रशिया-युक्रेन युद्धानंतरही ही भाकिते खरी ठरली.