Iran Israel War :'पंतप्रधान नरेंद्र मोदी गेल्यानंतर ऑपरेशनल संधी निर्माण झाली', इस्रायली राजदूतांनी इराणवरील हल्ल्याची सांगितली इनसाइड स्टोरी

Iran Israel War : इस्त्रायल आणि इराणमध्ये युद्ध सुरू आहे. हे युद्ध सुरू होण्याच्या काही दिवस आधी पंतप्रधान नरेंद्र मोदी इस्त्रायल दौऱ्यावर होते. हा दौरा करुन आल्यानंतर दोनच दिवसात इस्त्रायलने इराणवर हल्ला केला.

Iran Israel War : इस्रायली राजदूत रुवेन अझर यांनी सांगितले की, इराणवर अमेरिका-इस्रायली संयुक्त हल्ले एका ऑपरेशनल संधी दरम्यान करण्यात आले होते. पंतप्रधान नरेंद्र मोदी तेल अवीव सोडल्यानंतरच ही संधी मिळाली.

भारतातील इस्रायली राजदूत रियूवेन अजार यांनी सांगितले की, पंतप्रधान मोदींच्या भेटीदरम्यान तेहरानवर हल्ला होईल हे माहित नव्हते.

रियूवेन अजार म्हणाले, "ही एक ऑपरेशनल संधी होती. ही संधी पंतप्रधान नरेंद्र मोदी यांच्या जाण्यानंतरच निर्माण झाली. अर्थात, भेटीदरम्यान पंतप्रधान मोदींशी झालेल्या आमच्या संभाषणात आम्ही प्रादेशिक घडामोडींवर चर्चा केली, परंतु आम्हाला माहित नसलेली कोणतीही गोष्ट आम्ही खरोखर शेअर करू शकलो नाही."

ते म्हणाले की, इराणवर हल्ला करण्याचा निर्णय पंतप्रधान मोदी गेल्यानंतर सुमारे दोन दिवसांनी घेण्यात आला आणि शनिवारी (२८ फेब्रुवारी) सकाळी सुरक्षा मंत्रिमंडळाकडून त्याला मंजुरी मिळाली.

पंतप्रधान मोदी २५ आणि २६ फेब्रुवारी रोजी दोन दिवसांच्या इस्रायल दौऱ्यावर गेले होते. २०१७ च्या त्यांच्या ऐतिहासिक दौऱ्यानंतर हा त्यांचा दुसरा दौरा होता, यामुळे दशकांचा राजनैतिक तणाव संपला आणि भारत-इस्रायल संबंध मजबूत झाले.

इराणच्या हल्ल्यात अमेरिकेचे मोठे नुकसान झाल्याचा दावा इराणने केला आहे. इराणच्या 'ट्रू प्रॉमिस ४' या प्रत्युत्तरात्मक कारवाईच्या पहिल्या दोन दिवसांत अमेरिकन सैन्याचे मोठे नुकसान झाले आहे. दोन दिवसांत ६५० हून अधिक सैनिक मारले गेले किंवा जखमी झाल्याचा दावा इराणच्या इस्लामिक रिव्होल्यूशनरी गार्ड कॉर्प्सने केला.

IRGC चे प्रवक्ते ब्रिगेडियर जनरल अली मोहम्मद नैनी म्हणाले की, इराणी क्षेपणास्त्र आणि ड्रोन हल्ल्यांमध्ये पर्शियन आखाती प्रदेशातील अमेरिकन तळ आणि युद्धनौकांना लक्ष्य करण्यात आले, यामुळे अमेरिकन विमानवाहू जहाज यूएसएस अब्राहम लिंकनला इराणी किनाऱ्यावरून माघार घ्यावी लागली.