CoronaVirus News : भय इथले संपत नाही! फ्रोजन फूडच्या पॅकेटवर आढळला कोरोना व्हायरस, रिसर्चमधून दावा
By सायली शिर्के | Published: October 18, 2020 01:47 PM2020-10-18T13:47:46+5:302020-10-18T14:11:36+5:30
CoronaVirus Marathi News and Live Updates: कोरोना संसर्ग रोखण्यासाठी युद्धपातळीवर संशोधन सुरू आहे. संशोधनातून नवनवीन माहिती समोर येत आहे.
कोरोना व्हायरसने जगभरात थैमान घातले आहे. जगभरातील कोरोनाग्रस्तांची संख्या आता तब्बल 4 कोटींच्या जवळ पोहोचली असून एकूण रुग्णांची संख्या 39,979,202 वर पोहोचली आहे.
जगभरात कोरोनामुळे आतापर्यंत 1,114,885 लोकांना आपला जीव गमवावा लागला आहे. तर 29,896,747 लोकांनी कोरोनावर मात केली आहे. उपचारानंतर त्यांना बरे वाटले आहे.
वेगाने पसरणाऱ्या कोरोनाने लोकांच्या मनात भीतीचे वातावरण निर्माण केले आहे. कोरोनाग्रस्तांच्या संख्येत दिवसागणिक वाढ होत असून अनेक ठिकाण त्याचा धोका वाढताना दिसत आहेत.
जगभरातील अनेक देशात कोरोनाचा कहर पाहायला मिळत असून अनेक प्रगत देश कोरोनाच्या संकटाचा सामना करत आहे. अनेक देशात कोरोनाची दुसरी लाट पाहायला मिळत आहे.
कोरोना संसर्ग रोखण्यासाठी युद्धपातळीवर संशोधन सुरू आहे. संशोधनातून नवनवीन माहिती समोर येत आहे. याच दरम्यान कोरोना व्हायरस संदर्भात महत्त्वाची माहिती मिळत आहे.
फ्रोजन फूडच्या पॅकेजिंगवर (Frozen Food Packaging) म्हणजेच फ्रीजमध्ये थंड करण्यात आलेल्या पदार्थांच्या आवरणावर कोरोनाचे व्हायरस आढळून आला आहे.
चीनमधील सेंटर फॉर डिसीज कंट्रोल अँड प्रिव्हेन्शन (CDC) ने निरीक्षण नोंदवलं आहे. फ्रोजन फूडच्या पॅकेटवर कोरोना व्हायरस असल्याचा दावा केला आहे.
मिळालेल्या माहितीनुसार, शेडोंग प्रांतात असलेल्या किंगदाओ शहरात हे आढळून आलं आहे. अशाप्रकारे कोरोना व्हायरस आढळून आल्याने पुन्हा एकदा चिंता वाढली आहे.
फ्रोजन फूडच्या पॅकेटच्या माध्यमातून कोरोनाचा संसर्ग होण्याचा धोका असल्याचं चीनच्या CDC ने म्हटलं आहे. किंगदाओ शहरात या महिन्यात अनेक कोरोना रुग्ण आढळून आले असून त्यांच्यावर उपचार सुरू आहेत.
चीनेने दुसऱ्या देशातून आयात करण्यात येत असलेल्या फ्रोजन फूड पॅकेटमुळे कोरोना व्हायरसचा प्रसार होत असल्याचं म्हटलं आहे. त्यामुळे सेंटर फॉर डिसीज कंट्रोल अँड प्रिव्हेन्शन विभागाचे अधिकारी सतर्क आहेत.
चीनमध्ये येणाऱ्या फूड पॅकेजिंगचं नियमित टेस्टिंग केलं जातं. आयात केलेल्या पदार्थांमुळे याआधीही कोरोना व्हायरस पसरल्याचा दावा चीनच्या काही अधिकाऱ्यांनी केला आहे.
फ्रोजन फूड पॅकेजिंगवर कोरोना व्हायरस आढळून आल्यानंतर इंडोनेशियातील सीफूड आणि ब्राझीलमधून आयत करणाऱ्या फ्रोजन फूडसह अन्य काही पदार्थांवर चीनने बंदी घातली होती.
रेफ्रिजेरेटेड फूड पॅकेजिंग (Refrigerated food packaging) प्रोसेसमध्ये काम करणाऱ्या लोकांना यामुळे अधिक दक्षता घेण्यास सांगितले आहे. एका हिंदी वेबसाईटने याबाबतचे वृत्त दिले आहे.
कोरोनाचा संसर्ग रोखण्यासाठी सर्वोतोपरी उपाय करण्यात येत आहेत. अनेकांनी कोरोनाची लढाई जिंकली असून कोरोनावर मात केली आहे. तसेच जगभरात कोरोना व्हायरसवर लस शोधण्यासाठी प्रयत्न केले जात आहेत.