प्राजक्ता-शंभूराजच्या लग्नाचा अल्बम आला समोर; राजेशाही थाटात पार पडला लग्नसोहळा

प्राजक्ता गायकवाड आणि शंभूराजच्या राजेशाही लग्नाचे फोटो आले समोर

सध्या मराठी सिनेविश्वात लगीनघाई सुरू आहे. एकामागोमाग एक सेलिब्रिटी लग्नाच्या बेडीत अडकत आहेत. आज, २ डिसेंबर २०२५ रोजी 'स्वराज्यरक्षक संभाजी' फेम प्राजक्ता गायकवाड हिचे आज शंभुराज खुटवडशी लग्न झाले.

पुण्यात हा विवाहसोहळा पार पडला. त्यांच्या लग्नाचे फोटो, व्हिडीओ सोशल मीडियावर व्हायरल होत आहेत.

मालिकेत येसूबाईंची भूमिका साकारणाऱ्या प्राजक्ताच्या खऱ्या आयुष्यातही शंभूराज आल्याने तिच्या चाहत्यांना आनंद झाला.

प्राजक्ताने तिच्या लग्नसोहळ्यासाठी हिरव्या रंगाची जरीचे काम असणारी साडी नेसली.

साडीवर मॅचिंग फिकट हिरव्या रंगाचा शेला आणि सोन्याचे सुंदर दागिने असा पारंपरिक लूक तिने केला होता.

प्राजक्ताच्या मंगळसूत्रासह तिने परिधान केलेल्या ब्लाऊजने विशेष लक्ष वेधले. प्राजक्ताने तिच्या ब्लाऊजवर सप्तपदीची सात वचने लिहिली होती.

शंभुराने गुलाबी रंगाची शेरवानी परिधान केली आहे. तसंच डोक्यावर फेटा बांधला आहे. त्यांच्या लग्नाचा अगदी राजेशाही थाट दिसत आहे.

शंभूराज खुटवडच्या हटके आणि रुबाबदार लूकने सर्वांचे लक्ष वेधून घेतले आहे.

लग्नसोहळ्यात परंपरेनुसार पार पडलेला एक खास विधी सगळ्यांच्या आकर्षणाचा केंद्र ठरला. या विधीमध्ये प्राजक्ताच्या भावांनी नवरदेव शंभूराज दाजींचा कान पिळला. प्राजक्ताचे भाऊ जेव्हा हसत-हसत शंभूराज दाजींचा कान पिळत होते, तेव्हा संपूर्ण मंडपात एकच हशा पिकला.

टीव्हीवरची लाडकी येसूबाई आता खुटवड कुटुंबाची सून झाली आहे. प्राजक्ताचा नवरा शंभुराज खुटवड हा एक बिझनेसमन आहे.

प्राजक्ता आणि शंभुराजवर इंडस्ट्रीतून आणि चाहत्यांकडून अभिनंदनाचा वर्षाव होत आहे. प्राजक्ता-शंभुराज यांच्या लग्न समारंभाचे फोटो टेल्स ऑन टाइम या इंस्टाग्राम पेजवरून घेतले आहेत.