OMG!! कार्तिक आर्यन ‘महाग’ झाला ! ‘शहजादा’साठी घेतले इतके कोटी

Kartik Aryan : आज कार्तिक सर्वात बिझी स्टार आहे. त्याच्याकडे अनेक मोठे सिनेमे आहेत. साहजिकच डिमांड वाढतेय म्हटल्यावर फी सुद्धा वाढणार.

2011 मध्ये ‘प्यार का पंचनामा’ या सिनेमातून बॉलिवूड डेब्यू करणारा कार्तिक आर्यन आज स्टार आहे. अर्थात स्टार बनण्यासाठी त्याला 5-6 वर्ष लागलीत. पण मेहनत का फल मिठा होता है, म्हणतात ते उगाच नाही...

होय, सोनू के टीटू की स्वीटी या चित्रपटानंतर बॉलिवूड इंडस्ट्रीने कार्तिकला स्टार म्हणून ख-या अर्थानं स्वीकारलं. या चित्रपटानंतर कार्तिकनं कधीच मागे वळून बघितलं नाही.

आता काय तर कार्तिक सर्वात बिझी स्टार आहे. त्याच्याकडे अनेक मोठे सिनेमे आहेत. साहजिकच डिमांड वाढतेय म्हटल्यावर फी सुद्धा वाढणार.

ताज्या रिपोर्टनुसार, कार्तिक आर्यनने ‘शहजादा’ या चित्रपटासाठी 21 कोटी रूपयांची डिमांड केली आहे. विशेष म्हणजे मेकर्सनी त्याची ही डिमांड मान्य केली आहे.

21 कोटी रूपये मानधन घेतल्यानंतर आता कार्तिक आर्यन बॉलिवूडच्या सर्वाधिक महागड्या स्टार्सच्या यादीत सामील झाला आहे. त्याच्या समोर आता फक्त रणबीर कपूर व रणवीर सिंग आहेत. जे एका सिनेमासाठी 30 कोटी रूपयांपेक्षा अधिक मानधन घेतात.

कार्तिकचा ‘शहजादा’ हा सिनेमा साऊथचा सुपरहिट सिनेमा ‘अला वैकुंठपुरमलो’चा अधिकृत हिंदी रिमेक आहे. ‘अला वैकुंठपुरमलो’मध्ये अल्लू अर्जुन मुख्य भूमिकेत होता.

‘शहजादा’मध्ये कार्तिक आणि क्रिती सेनॉन मुख्य भूमिकेत आहेत. याआधी ‘लुकाछुपी’ या सिनेमात ही जोडी एकत्र दिसली होती.