पतीचा मित्रच प्रियकर! भेटण्यासाठी घरच्यांना झोपेच्या गोळ्या दिल्या; सासूचा मृत्यू

Published: July 10, 2020 09:06 PM2020-07-10T21:06:25+5:302020-07-10T21:17:09+5:30

बाडमेरमधून एक खळबळजनक घटना समोर आली आहे जिथे एका स्त्रीने लॉकडाऊनमध्ये आपल्या प्रियकराला भेटण्यासाठी कुटुंबातील सर्व सदस्यांना चहातून झोपेच्या गोळ्या दिल्या. त्यामुळे सकाळी कुटुंबातील सर्व सदस्य आजारी पडले आणि यावेळी महिलेच्या सासूचा मृत्यू झाला.

या घटनेनंतर कारण काय गुलदस्त्यात होते. जेव्हा तीन-चार दिवस गेले, तेव्हा कुटुंबीयांनी त्या स्त्रीवर संशय घेतला आणि चौकशी केली गेली, त्यानंतर संपूर्ण रहस्य उघड झाले.

नवऱ्याच्या मित्राशी आपले प्रेमसंबंध असल्याचे महिलेने कबूल केले. त्याला भेटण्यासाठी मी घरातील सदस्यांना चहामध्ये झोपेच्या गोळ्या मिसळून दिल्या असल्याचे तिने सांगितले.

झोपेच्या गोळ्यांची मुदत संपली होती. तसेच त्यांचे प्रमाणही जास्त होते, म्हणून सासू आजारी पडल्यानंतर निधन झाल्याचे तपासात समोर आले आहे. पोलिसांनी हत्येचा गुन्हा दाखल करून महिला आणि तिच्या प्रियकराला अटक केली आहे.

आरोपी महिलेने राजस्थानच्या बाडमेर जिल्ह्यातील बालोत्रा गावात कपड्यांच्या फॅक्टरीत काम करणाऱ्या प्रियकरासमवेत सासू-सासऱ्यांना झोपेच्या गोळ्या खायला दिल्या, त्यामुळे ते सर्व आजारी पडले. दरम्यान, तिच्या सासूचा मृत्यू झाला आहे, पण जेव्हा कुटुंबातील लोक उपचारातून परत आले तेव्हा त्यांनी सुनेवर संशय घेतला आणि त्यांनी चौकशी केली असता सुनेने कबूल केले की तिने तिच्या प्रियकराच्या मदतीने चहातून झोपेच्या गोळ्याही दिल्या.

एसपी बाडमेर आनंद शर्मा म्हणतात की, या महिलेचे सुमारे अडीच वर्षांपूर्वी लग्न झाले होते. त्याला मूल नाही. तिचा नवरा टॅक्सी ड्रायव्हर म्हणून काम करतो. तर आरोपी महिलेच्या पतीचा मित्र आहे. काही काळापूर्वीच या महिलेने आपल्या प्रियकराबरोबर फोन नंबरची देवाणघेवाण केली आणि फेसबुकच्या माध्यमातून बोलण्यास सुरवात केली. लॉकडाऊनमुळे प्रेयसी भेटू शकली नाही. मग त्या दोघांनी कट रचून कुटुंबातील सदस्यांना झोपेच्या गोळ्या खायला दिल्या. 

एसपी बाडमेर आनंद शर्मा यांनी पुढे सांगितले की, २८ जून रोजी रात्री ९ वाजताच्या सुमारास महिलेने नेहमीप्रमाणे घरातील लोकांना चहा बनवला. चहा प्यायल्यानंतर थोड्याच वेळात प्रत्येकाची तब्येत ढासळली. सर्वांना नाहाटा रुग्णालयात दाखल करण्यात आले. तेथून तिचा नवरा आणि सासूला जोधपूर येथील रुग्णालय  रेफर करण्यात आले, तर उपचारादरम्यान सासूचा मृत्यू झाला. आईच्या निधनानंतर आरोपी महिलेच्या पतीने पत्नी व प्रियकरविरूद्ध खुनाचा गुन्हा दाखल केला आहे. हत्येचा गुन्हा दाखल केल्यानंतर पोलिसांनी प्रियकर आणि महिला दोघांना अटक केली आणि त्यांना कोर्टात हजर केले व तुरूंगात पाठविले.