भारतीयांचा डंका ! दिग्गज कंपन्यांच्या प्रमुख पदावर 'इंडियन'

यू-ट्यूब या गुगलच्या व्हिडीओ प्लॅटफॉर्मच्या सीईओपदावर भारतीय वंशाचे नील मोहन यांची नियुक्ती झाली. गुगलची मूळ कंपनी अल्फाबेट या कंपनीचेही सीईओ सुंदर पिचाई हेदेखील भारतीय वंशाचे आहेत.

केवळ याच नव्हे तर अनेक कंपन्यांच्या सीईओपदावर भारतीयांची वर्णी लागली आहे. गेल्या काही वर्षांमध्ये हे प्रमाण वाढलेले दिसून येत आहे.

सुंदर पिचाई सुंदर पिचाई हे २००४ मध्ये गुगलमध्ये प्रवेश केला. २०१५ मध्ये गुगल हा अल्फाबेट कंपनीचा भाग झाला आणि पिचाई हे अल्फाबेटचे सीईओ झाले.

सत्या नाडेला जगातील आघाडीची सॉफ्टवेअर कंपनी मायक्राेसाॅफ्टच्या सीईओपदावर सत्या नाडेला हे विराजमान आहेत. २०१४ पासून ते या पदावर कार्यरत आहेत.

लक्ष्मण नरसिंहन कॉफी चेन कंपनी स्टारबक्सच्या सीईओपदावर लक्ष्मण नरसिंहन यांची नियुक्ती घोषणा करण्यात आली आहे. त्यांना तात्पुरती जबाबदारी दिली आहे.

अरविंद कृष्णा अरविंद कृष्णा हे आयटी कंपनी आयबीएमचे सीईओ आहेत. २०२० पासून ते या पदावर आहेत. २०२१ मध्ये ते कंपनीचे अध्यक्ष झाले.

शंतनू नारायण सॉफ्टवेअर कंपनी ॲडोबचे अध्यक्ष आणि सीईओ शंतनू नारायण हे आहेत. ते २००७ पासून यापदासह कंपनीचे अध्यक्षदेखील आहेत.

अजयपाल बंगा अजय बंगा हे जनरल अटलांटिकचे उपाध्यक्ष आहेत. यापूर्वी ते २०१० ते २०२० या कालावधीत मास्टरकार्डचे सीईओ होते.