नो टॅक्स, नो टेन्शन! 'या' देशांमध्ये श्रीमंत लोकही भरत नाहीत एक रुपयाही कर, मग पैसा कुठून येतो?

Tax-Free Countries : प्रत्येक देशाच्या अर्थव्यवस्थेचा आधार कर असतो. पण तुम्हाला माहीत आहे का, जगात असे काही देश आहेत जिथे नागरिकांना त्यांच्या कमाईवर एक पैसाही कर भरावा लागत नाही? होय, या देशांमध्ये लोक त्यांच्या कमाईचा संपूर्ण भाग स्वतःकडे ठेवू शकतात. प्रश्न असा उद्भवतो की, मग या देशांची अर्थव्यवस्था चालते कशी?

हे देश करमुक्त का आहेत, याचे सर्वात मोठे कारण त्यांच्याकडे असलेले नैसर्गिक संसाधनांचे मोठे साठे, विशेषतः तेल आणि वायू. याशिवाय, पर्यटन आणि विविध शुल्कांमधूनही त्यांना भरपूर उत्पन्न मिळते.

युएईमध्ये कोणताही उत्पन्न कर किंवा प्रत्यक्ष कर नाही. सरकार व्हॅट (VAT) आणि इतर शुल्कांमधून उत्पन्न मिळवते. तेल आणि जगभरातील पर्यटनावर (दुबई, अबू धाबी) यांची अर्थव्यवस्था आधारित आहे.

बहरीनमध्ये नागरिकांना उत्पन्न कर भरावा लागत नाही. येथील सरकार तेल आणि इतर नैसर्गिक संसाधनांमधून उत्पन्न मिळवते. येथील मजबूत बँकिंग आणि वित्तीय क्षेत्रही अर्थव्यवस्थेला आधार देते.

कुवेतची अर्थव्यवस्था पूर्णपणे तेलावर अवलंबून आहे. हा जगातील सर्वात मोठ्या तेल निर्यातदार देशांपैकी एक आहे. तेलापासून मिळणाऱ्या प्रचंड उत्पन्नामुळे सरकारला नागरिकांकडून कर घेण्याची गरज नाही.

सौदी अरेबियामध्ये थेट कर प्रणाली नाही, लोकांना उत्पन्न कर भरावा लागत नाही. येथे व्हॅट आणि इतर शुल्कांसारख्या अप्रत्यक्ष करांमधून सरकारला मोठे उत्पन्न मिळते. यांची अर्थव्यवस्थाही तेलावर आधारित आहे.

पश्चिम गोलार्धात वसलेले बहामास हे पर्यटनाचे मोठे केंद्र आहे. येथील नागरिकांना उत्पन्न कर भरावा लागत नाही. सरकार पर्यटन आणि इतर अप्रत्यक्ष करांमधून आपल्या गरजा पूर्ण करते.

आग्नेय आशियातील इस्लामिक देश ब्रुनेई तेल आणि वायूच्या साठ्यांसाठी प्रसिद्ध आहे. येथेही कोणताही उत्पन्न कर नाही. तेल आणि वायूच्या निर्यातीमुळे त्यांची अर्थव्यवस्था खूप मजबूत आहे.

आखाती देश ओमानमध्येही तेल आणि वायूचे मोठे साठे आहेत, जे त्यांच्या अर्थव्यवस्थेचा आधार आहेत. ओमानमधील लोकांना उत्पन्न करातून पूर्णपणे सूट आहे.

कतार हा लहान देश असला तरी तेल आणि वायू क्षेत्रात त्याचे वर्चस्व आहे. येथील लोकांना कोणताही उत्पन्न कर भरावा लागत नाही. सरकार तेल आणि वायूपासून मिळणाऱ्या उत्पन्नातून देशाचा खर्च चालवते.

कतार हा लहान देश असला तरी तेल आणि वायू क्षेत्रात त्याचे वर्चस्व आहे. येथील लोकांना कोणताही उत्पन्न कर भरावा लागत नाही. सरकार तेल आणि वायूपासून मिळणाऱ्या उत्पन्नातून देशाचा खर्च चालवते.