जगातील टॉप 100 मध्ये केवळ 2 भारतीय कंपन्या, अंबानींची रिलायन्स देशात नंबर 1

1 / 11

जगातील टॉप 50 मध्ये मुकेश अंबानींच्या रिलायन्स कंपनीला स्थान मिळाले असून टॉप 100 मध्ये टाटांच्या टीसीएसची गिनती झाली आहे

2 / 11

रिलायन्स उद्योग समूहाचे चेयरमन मुकेश अंबानी (Mukesh Ambani) यांच्या संपत्तीत गेल्या काही दिवसांपासून सातत्यानं वाढ होत आहे.

3 / 11

भारतातील सर्वात श्रीमंत उद्योगपती असलेल्या मुकेश अंबानी यांच्या रिलायन्स इंडस्ट्रीचे बाजार मुल्यांकन 13 लाख कोटी रुपयांवर पोहचले आहे. त्यामुळे रिलायन्स जगातील 48 वी सर्वात श्रीमंत कंपनी बनली आहे.

4 / 11

रिलायन्स इंडस्ट्रीज ही कच्चे तेल, रिफायनरी, पेट्रोकेमिकल रसायन, आणि दूरसंचार क्षेत्रात कार्यरत असलेली जगातील प्रमुख कंपनी आहे.

5 / 11

शेअर बाजारातील आकड्यांच्या आधारे रिलायन्स ही जगातील 48 वी सर्वात श्रीमंत कंपनी आहे. या यादीत 1700 अब्ज डॉलरच्या बाजार मुल्यांकनासह सऊदी अरामको ही जगातील सर्वात श्रीमंत कंपनी ठरली आहे.

6 / 11

या यादीत दुसऱ्या क्रमांकावर अॅपल, तर पुढे अनुक्रमे मायक्रोसॉफ्ट, अमेझॉन आणि गुगलचा क्रमांक लागतो. गुरुवारी रिलायन्स इंडस्ट्रीजचा शेअर बीएसईवर 2.82 टक्क्यांनी वाढून 2060.65 वर पोहोचला आहे.

7 / 11

रिलायन्सने नुकतेच जारी केलेल्या राईट इश्यू आणि इतर शेअर्संमध्ये वेग-वेगळा व्यवसाय झाला आहे. कंपनीचं एकूण बाजार मुल्य 13 लाख कोटी किंवा 181 अब्ज डॉलर एवढे आहे.

8 / 11

आजपर्यंत कुठल्याही भारतीय कंपनीने बाजार मुल्यांकनामध्ये एवढ्या रकमेपर्यंत मजल मारली नाही. त्यामुळे रिलायन्स ही भारताची एकमेव कंपनी ठरली आहे.

9 / 11

रिलायन्सचे बाजार मुल्यांकन शेवरॉन कंपनीच्या 170 अब्ज डॉलरच्या बाजार मुल्यांकनापेक्षा अधिक आहे. युनिलिवर, ओरेकल, बँक ऑफ चायना, बीएसपी ग्रुप, रॉयल डट शैल आणि सॉफ्ट बँकेची रँकींगही रिलायन्सपेक्षा कमी आहे.

10 / 11

आशियातील कंपन्यांमध्ये रिलायन्स पहिल्या 10 मध्ये असून चीनची अलिबाबा ही कंपनी जगभरात 7 व्या स्थानावर आहे. जगातील पहिल्या 100 कंपन्यांमध्ये रिलायन्स 48 व्या स्थानी असून टाटा यांच्या टीसीएसनेही स्थान मिळवले आहे. टीसीएसचे बाजार मुल्यांकन 8.14 लाख कोटी आहे.

11 / 11

मुकेश अंबानी आता जगातील सर्वात धनाढ्य व्यक्तींच्या यादीत पाचव्या स्थानावर पोहोचले आहेत. त्यांनी जगातील प्रख्यात गुंतवणूकदार आणि बर्कशायर हॅथवेचे सीईओ वॉरन बफे यांना मागे टाकलं आहे.