Post Office ची सुपरहिट स्कीम; महिन्याला ₹३००० ची गुंतवणूक, ₹२.१४ लाखांचा रिटर्न निश्चित

Post Office Sheme: कोणत्याही जोखीमशिवाय लहान बचतीतून मोठा निधी तयार करायचा आहे का? पोस्ट ऑफिसच्या या स्कीममध्ये दररोज ₹१०० बचत करून तुम्ही मोठा निधी उभा करू शकता.

Post Office Sheme: आपल्या सर्वांना पैसे वाचवायचे असतात आणि मोठा निधी तयार करायचा असतो, पण बऱ्याचदा आपल्याला कुठून सुरुवात करायची हे समजत नाही. शेअर बाजारातील जोखीम आपल्याला घाबरवते आणि आपल्याकडे एकाच वेळी गुंतवणूक करण्यासाठी मोठी रक्कम नसते. जर तुम्हालाही अशीच समस्या असेल, तर पोस्ट ऑफिसची एक उत्तम योजना तुमच्यासाठी आहे.

ही योजना "पिगी बँक" सारखी आहे ज्यामध्ये तुम्हाला दरमहा एक निश्चित रक्कम गुंतवावी लागते, परंतु त्यावर तुम्हाला चांगलं व्याज देखील मिळतं. आम्ही पोस्ट ऑफिस रिकरिंग डिपॉझिट (Post Office RD) बद्दल बोलत आहोत. हा एक जोखीममुक्त गुंतवणूक पर्याय आहे ज्यामध्ये तुम्ही दररोज थोडीशी रक्कम वाचवू शकता आणि मोठी रक्कम उभी करू शकता. दरमहा फक्त ₹३,००० गुंतवणूक करून तुम्ही ₹२ लाखांपेक्षा जास्त निधी कसा तयार करू शकता ते जाणून घेऊया.

पोस्ट ऑफिस रिकरिंग डिपॉझिट (RD) ही भारत सरकारची एक लघू बचत योजना आहे, म्हणजेच तुमचे पैसे १००% सुरक्षित आहेत. यामध्ये, तुम्हाला ५ वर्षांसाठी दरमहा एक निश्चित रक्कम जमा करावी लागते. जे एकरकमी गुंतवणूक करू शकत नाहीत परंतु दरमहा लहान बचत करण्याची सवय लावू इच्छितात त्यांच्यासाठी ही स्कीम उत्तम आहे. ही स्कीम तुमच्या बचतीला शिस्तबद्ध ठेवते आणि त्यावर निश्चित व्याज देखील देते.

दररोज १०० रुपयांची बचत करून महिन्याला तुम्ही ३००० रुपये जमवू शकता. याचा गुंतवणूकीचा कालावधी ५ वर्षांचा आहे. म्हणजेच ५ वर्षात तुम्ही १८०००० रुपयांची गुंतवणूक करता. यावर सध्या ६.७ टक्के दरानं व्याज दिलं जात आहे. चक्रवाढ पद्धतीनं तुम्हाला ५ वर्षांत३४,०९७ रुपयांचं व्याज मिळेल. म्हणजेच मॅच्युरिटीच्या वेळी तुमची एकूण रक्कम २,१४,०९७ रुपये असेल.

आपत्कालीन परिस्थितीत, तुम्ही तुमची आरडी वेळेपूर्वी बंद करू शकता. खातं उघडल्याच्या तारखेपासून ३ वर्षे पूर्ण झाल्यानंतर तुम्ही तो बंद करू शकता. परंतु जर तुम्ही मुदतपूर्तीच्या एक दिवस आधीही आरडी तोडली तर तुम्हाला आरडीवर लागू होणारा ६.७% व्याज मिळणार नाही. त्याऐवजी, तुम्हाला पोस्ट ऑफिस बचत खात्यावर लागू असलेल्या व्याजदरानुसार (जो सध्या ४% आहे) व्याज दिलं जाईल. म्हणून ते पूर्ण ५ वर्षे चालवण्याचा प्रयत्न करा.

जर तुम्हाला ५ वर्षांनंतर पैशांची आवश्यकता नसेल, तर तुम्ही तुमचा आरडी आणखी ५ वर्षांसाठी वाढवू शकता. मुदतवाढ मिळाल्यावर, तुम्हाला खातम उघडताना लागू असलेला पोस्ट ऑफिस आरडी व्याजदर मिळत राहील. तुम्ही एक्सटेंडेड खातं कधीही बंद करू शकता. जितकी वर्ष पूर्ण होतील त्यावर आरडीचं व्याज आणि उर्वरित महिन्यांवर पोस्ट ऑफिस बचत खात्यावर व्याज (४%) मिळेल. याचा अर्थ असा की जर तुम्ही ते साडेतीन वर्षांनंतर ते बंद केलं तर तुम्हाला ३ पूर्ण वर्षांसाठी ६.७% व्याज मिळेल, तर उर्वरित सहा महिन्यांसाठी तुम्हाला ४% व्याज मिळेल.