उद्यापासून 'या' महत्त्वाच्या गोष्टी बदलणार, तुमच्या खिशावर होईल थेट परिणाम!

डिसेंबरच्या सुरुवातीपासून काही बदल लागू होणार आहेत.

उद्यापासून डिसेंबरच्या सुरुवातीसह वर्षाचा शेवट देखील सुरू होणार आहे. 2022 ला निरोप देण्याची वेळ आणि 2023 वर्षाची सुरुवात देखील जवळ येत आहे. या बदलाला अजून काही आठवडे बाकी असले तरी येत्या डिसेंबरच्या सुरुवातीपासून काही बदल लागू होणार आहेत.

हे बदल तुमच्या दैनंदिन जीवनावर परिणाम करू शकतात. ज्यामध्ये एटीएम किंवा पेन्शनमधून पैसे काढण्यापासून गॅसच्या किमतींशी संबंधित कामाचा समावेश आहे. अशा परिस्थितीत, या बदलांवर लक्ष ठेवणे आणि भविष्यासाठी आपल्या योजना बनवणे आपल्यासाठी महत्वाचे आहे.

गॅस कंपन्या दर महिन्याच्या पहिल्या दिवशी एलपीजीच्या किमतींमध्ये बदल करतात. अशा परिस्थितीत उद्याच्या गॅसच्या किमतींवर लक्ष ठेवा.. कदाचित वर्षाच्या शेवटी घरगुती गॅसवर दिलासा मिळू शकतो. नोव्हेंबरमध्ये व्यावसायिक गॅस सिलिंडरवर कपात करण्यात आली होती.

जर तुम्हाला पेन्शन मिळत असेल, तर लक्षात ठेवा की तुम्हाला आजपर्यंत म्हणजे नोव्हेंबर अखेरपर्यंत जीवन प्रमाणपत्र सादर करण्याची संधी आहे. जीवन प्रमाणपत्र सादर करणे आता खूप सोपे झाले आहे, तुम्ही निवडलेल्या बँकांच्या डोअर स्टेप सुविधेचा देखील लाभ घेऊ शकता.

जर तुम्ही पंजाब नॅशनल बँकेचे खातेदार असाल तर उद्यापासून एटीएममधून पैसे काढताना तुमचा मोबाईल घेऊन जाण्यास विसरू नका, कारण 1 डिसेंबरपासून तुम्हाला पैसे काढण्यासाठी ओटीपी द्यावा लागेल.

किरकोळ वापरासाठी डिजिटल रुपयाचा पायलट प्रोजेक्टही 1 डिसेंबरपासून सुरू होणार आहे. यामध्ये निवडक ठिकाणी ग्राहकांपासून ते व्यावसायिकांपर्यंत सामील केले जाईल.