Corona Pandemic Unemployment: कोरोना वाढला की रोजगार जाणार? काय सांगतोय सीएमआयईचा धक्कादायक अहवाल By ऑनलाइन लोकमत | Published: January 06, 2022 12:08 PM
1 / 6 कोरोना महासाथीचा मुक्काम लांबत चालला असल्याने त्याचा परिणाम रोजगारसंधींवरही झाला आहे. गेल्या काही महिन्यांचा आढावा घेतला असता रोजगाराच्या संधी आटत चालल्या असल्याचे प्रकर्षाने जाणवून येत आहे. 2 / 6 ग्रामीण भागापेक्षा शहरी भागातील बेरोजगारी जलदगतीने वाढत असल्याचे आढळून आले. कोरोना वाढला व लॉकडाऊन लागला की बेरोजगारी वाढते, रोजगार जातात हा अनुभव आहे. ते होऊ द्यायचे नसेल तर नियम पाळावे लागणार आहेत. 3 / 6 सेंटर फॉर मॉनिटरिंग इंडियन इकॉनॉमी (सीएमआयई) यांनी अलीकडेच अहवाल जारी केला. डिसेंबर महिन्यात बेरोजगारीचा दर ७.९१ टक्क्यांवर पोहोचल्याची नोंद या अहवालात केली आहे. 4 / 6 गेल्या चार महिन्यांपेक्षा बेरोजगारीचा हा दर मोठा असल्याचे सीएमआयईचे म्हणणे आहे. ऑक्टोबर वगळता २०२१ मध्ये ११ महिने ग्रामीण भागापेक्षा शहरी भागात बेरोजगारी सातत्याने वाढत राहिली. 5 / 6 खरिपाचा हंगाम संपल्यामुळे ग्रामीण भागातून मोठ्या संख्येने तरुण मुले रोजगारासाठी शहराकडे वळली. सुगीचा हंगाम संपल्यानंतर गावात शेतीची कामे फारशी नसतात त्यामुळे मुले शहराकडे जात असतात. या कारणांमुळे डिसेंबरमध्ये बेरोजगारी वाढली. 6 / 6 सीएमआयईच्या आकडेवारीनुसार ही संख्या सुमारे ८५ लाख एवढी होती. त्यातील ४० लाख मुलांना काम मिळाले. आणखी वाचा